Iberostar Grand Aruba hotel ta hala nan apertura pa fin di 2024

EAGLE BEACH – E apertura di e prome hotel di cadena Spaño Iberostar, esta Iberostar Aruba Grand, a wordo hala pa fin di e aña aki. Esaki a keda anuncia e siman aki pa e CEO di e hotel Phil Mc Aveety. Manera ta conoci, inicialmente e apertura tabata poni pa zomer di e aña aki, pero despues a hala esaki pa herfst (otoño). Pero awor a hala esaki pa fin di 2024. “Nos ta encanta pa introduci Iberostar su resort inaugural na Aruba, un destinacion impresionante cu ta comparti nos passion pa calidad y compromiso pa un modelo di turismo responsabel” Mc Aveety a bisa. E hotel lo tin 240 suites, y e hotel ta den un forma U, strategicamente diseña pa showcase Eagle Beach. E lo habri 100% electrico, usando diseño pasivo pa engrandece eficiencia di energia, colaborando cu ekiponan di construccion local y internacional pa reduci e impacto di medio ambiente. 

JOBFAIR

E hotel den su afan pa haya trahado, ta tene nan siguiente jobfair e siman aki, dianan 7 y 8 di juni 2023 na Boulevard Events entre 10’or di mainta pa 6’or di atardi.