Seleccion nacional di fubol di Aruba a yega cas bek ayera for di Hulanda, pa nan wega contra Corsou

ORANJESTAD – E seleccion nacional di Aruba di futbol a yega Aruba for di Hulanda diamars atardi, pa e wega cu nan tin cu hunga contra Corsou diasabra awor como wega oficial di CONCACAF pa cualificacion pa mundial di futbol 2026. Aruba ta den e grupo C, hunto cu Haiti, Curacao , Saint Lucia y Barbados.

WEGA 

Diasabra awor pa 8’or di anochi, Aruba lo hunga prome biaha na cas, desde cu FIFA a aproba e tereno di Stadion Guillermo Prospero Trinidad. Tin un expectativa grandi pa e wega, y mas pasobra e seleccion di Corsou cu ta consisti di practicamente completo di hungadornan professional, ta duna esaki hopi mas atencion pa e wega aki. 

ENTRENAMIENTO

E seleccion ta entrena awe tardi caba, unda cu tin un chens pa por wak esaki breventement. E cantante Jeon lo ta presente pa deleita e momento aki. Prensa pa 15 minuut di e prome session, por ta presente pa cubri esaki. Despues diahuebs y diabierna, e seleccion di Aruba ta entrena tras di porta cera. 

RANKING

Ta bon pa sa cu Aruba ta #193 riba ranking mundial di FIFA, compara cu Corsou cu ta # 91 esta mas di 100 posicion mas halto cu ta mustra e calidad mas halto cu e tin compara cu Aruba. Esey no ta kita afo cu Aruba tin chens mirando cu p.e. den seleccion di damas, nan a gana Trinidad cu ta riba un ranking mucho mas halto cu esun di Aruba. Pues tur cos ta posibel.