Total di 7 di 25 lugar di cuminda controla a wordo cera

ORANJESTAD – Un total di 7 lugar di cuminda a wordo sera diamars durante control di departamento di salud. E hefe di e departamento Yvette Geerman a confirma esaki. Segun Geerman, un total di 25 establecimento a keda controla den e area di San Nicolas, Sta Cruz y Noord. Di e grupo aki, 7 a wordo sera pasobra nan no tabata cumpli cu e reglanan di higiena. Di e 7, 5 a wordo sera pa 48 ora y 2 pa 24. Esaki a nifica cu awe mes algun lo a haya bishita pa wak si nan ta keda habri of no. Den curso di diaranson, lo bolbe check e 5 lugarnan cu a wordo sera pa 2 dia, pa wak si nan a cumpli. E control ta trata di lugarnan cu ta bende cuminda takeaway y tambe restaurant. No ta conoci cua e lugarnan ta cu a wordo sera.