ELMAR: Situacion di coriente ta hopi delicado awe nochi!

ORANJESTAD -  E compania di utilidad NV ELMAR diamars anochi a haci un apelacion na nos comunidad pa coopera y reduci consumo di coriente rapidamente awe nochi. Nan a pidi pa laga nos tur hunto coopera pa nos por mantene e suministro di coriente pa un y tur.  

RESERVA MINIMO DI PRODUCCION DI CORIENTE

E problema segun ELMAR ta cu awe nochi nan a ricibi informe for di WEB Aruba N.V. cu actualmente tin un reserva minimo di produccion di coriente disponibel compara cu e demanda di coriente cu nos pais ta rekeri aworaki.   

POSIBEL LOAD SHEDDING

Si e demanda di coriente surpasa e limite aki, ELMAR a informa cu nan lo mester inicia e proceso di load shedding. Load shedding ta nifica cu cierto area lo por experiencia un interupcion di coriente temporal y planea. E tecniconan di ELMAR ta riba stand by.  “ Nos lo sigui mantene nos clientenan y e comunidad informa riba e desaroyo” NV Elmar a finalisa bisando.