BZK: Aruba no a yuda St Maarten toch, debi cu e no tabatin capacidad necesario 

DEN HAAG – Aruba finalmente no a logra manda generador pa e compania di electricidad di St Maarten, esta NV GEBE pa yuda e isla cu su problema di coriente. Esaki pasobra ‘Aruba no tin generador di e capacidad ey pa yuda cune”, vocero di BZK Karin Fraai a confirma diamars atardi pa Noticiacla. “E paisnan Curaçao y Aruba tambe ta pensa hunto pa cu e solucion pa St Maarten”, e vocero a cuminsa bisa. “Pero sinembargo aworaki Aruba no por suministra generadornan di e capacidad aki” e la sigui bisa. Ademas, e la sigura cu ta sigui busca den region pa un solucion pa e isla di St Maarten. Anteriormente Noticiacla a raporta di un informacion cu e la ricibi di otro medio, cu Aruba lo a yuda caba. Pero esaki ta mas bien cu Aruba tabata dispuesto, pero no a logra debi cu no tin ekipo. Corsou tampoco por a yuda finalmente pasobra a resulta cu nan tampoco tabatin e e material disponibel.