Wever-Croes: No ta e local sino e turista lo paga riba ED Card pa contribui na RWZI

ORANJESTAD – Den un intento pa ‘trankilisa’ comunidad e siman aki, prome minister Wever Croes a splica cu contrario na pensamentonan y informacion cu ta circula, no ta e ciudadano local sino solamente e turista cu bishita Aruba lo paga 20 dollar ora yena e ED card proximamente. Asina e la bisa durante un conferencia di prensa e siman aki. E placa aki, tin cu yuda financia e proyecto di RWZI.  Esnan cu ta bin di islanan bisiña manera Corsou y Bonaire tambe tin cu paga esaki. Fuera di local, mucha bou di 8 aña y ‘repeat visitors’ cu drenta Aruba bek dentro di un aña tambe ta keda exonera. Y finalmente, studiantenan cu ta studia den exterior.  Por a compronde cu e cobransa aki ta cuminsa entrante 1 di juli proximo.