Aruba ta manda generatornan pa St Maarten pa yuda nan cu problema di coriente

PHILIPSBURG – Mientras cu e mes tin problema serio cu coriente, awor Aruba (y Corsou) a priminti St Maarten di lo manda extra generator pa e isla pa yuda nan cu e problema di coriente. Esaki a keda dicidi durante e reunion urgente di e asina yama  Plataforma Regional di Cooperacion di Crisis, yama hunto pa representante di Hulanda na Philipsburg. E coordinacion di transporte cu Marina Real Huladnes a cuminsa dialuna anochi caba. Esaki ta un desaroyo interesante, mirando cu Aruba mes tin retonan serio pa cual mester a busca un compania Mericano pa investiga y yuda cu e situacion local.

PROBLEMA CU CORIENTE

E problema di coriente na St Maarten ta andando un luna caba, cu interupcion diario di coriente. E situacion a aumenta un dia anterior ora cu door di un candela den e generador di emergencia a pone cu extra generatornan a cay afo. Esey a afecta e red di coriente seriamente segun premier interino  Veronica Jansen-Webster, cu antes tabata traha na e compania GEBE. 

SCHAKEL CORIENTE

Aworaki tin 7 di e 10 generadornan operacional, cu no ta genera suficiente coriente pa henter e parti Hulandes di e isla. Como tal e compania GEBE ta obliga pa schakel coriente riba henter e isla cu ta nifica interupcion temporal di coriente riba e parti Hulandes. A pidi e isla pa ta mas conservativo y cooperativo cu otro den e temponan di crisis aki. 

ARUBA MES TIN PROBLEMA

E situacion ta uno interesante mirando cu Aruba mes tin problema serio cu coriente unda cu tur dia un bario ta keda afecta cu coriente. Noticiacla a tuma contacto cu e minister encarga cu Energia, cu a keda di averigua kico ta e situacion aki.