Polis na Corsou ta en busca ainda di asesinonan di Marechausee

WILLEMSTAD – Miembronan di Koninklijke Marechaussee na Kòrsou emoshonalmente ta ‘kibrá’ dor di asesinato di atzjudant (‘adjudant’) Toon Brood (49). Tres hòmber a asesiná Brood djabièrnè anochi den su kas na Reigerweg. Polis ta investigando e kaso.

Marechaussee ofisialmente no por duna ningun komunikado ofisial tokante e kaso, “aparte di ku tur hende ta masha tristu”, un bosero ta bisa.

E investigashon tokante e asesinato ta den man di polis di Kòrsou. Nan a hasi un apelashon na e tres hòmber den kaso pa entrega nan mes, i na mayornan i famia pa pone preshon riba e hòmbernan pa hasi esaki.

Brood a risibí un tiru mortal den su propio kas ora ku tres hòmbernan, ku arma i ku kara tapa, a logra drenta. Nan a kita plaka di e kasa i a hibá un outo, un Chevrolet Beat.

Polis a haña e outo bèk djasabra mainta. Ta pidi abitantenan i negoshinan riba e isla pa wak riba grabashon di kámara di seguridat pa sa mas tokante e hòmbernan ku a hòrta e outo i a kore den e outo.

Toon Brood tabata traha for di yüli 2022 na e aeropuerto di Kòrsou. E tabata dos lider di tim Plan Versterking Grenstoezicht Kòrsou i segun su koleganan “tabata masha komprometí ku su trabou”. NOTA: Texto ta scirbi den Papiamento fonetico di Corsou.