Huisartsen Onder een Dak” a habri den e bario di Piedra Plat

ORANJESTAD – Diaberna atardi Minister Dangui Oduber tawata invitado na e apertura di (HOED) “Huisartsen Onder een Dak” den e bario di Piedra Plat. Minister Oduber a anuncia cu esaki ta di dos localidad di dokter di cas cu ta wordo opera pa Horacio Oduber Hospital (HOH) y e di dos cu a wordo habri e aña aki. Cas di dokter na piedra plat lo reenforsa e prome liña di cuido y trece mas accesibilidad na nos pashentnan cu mester di e cuido y lo amplia e capacidad pa sirbi mas pashent.

Den aña 2023 a firma un acuerdo di cuido, cual un di e temanan importante tawata pa reinforza e prome liña di cuido. 

Ministerio di Salud Publico su enfoke ta ariba e conscientisacion di prevencion den salud y pa es motibo cu e apertura di HOED na Piedra plat lo tin 3 dokter di cas pa ofrece un servicio adicional. E cas di dokter na Piedra Plat lo percura pa duna un servicio mas accesibel, mas efectivo y mas eficiente pa nos aseguradonan.