Nacionan Uni: Aruba riba lista di area cu ta confronta menasa di morto den tempo di tormenta

ST JOHN – Segun e rapport di Nacionan Uni titula ‘UN Population Fund (UNFPA), Aruba ta riba e lista di paisnan den region di Caribe cu ta den peliger ora cu tin tormenta serio. E raport ta haci mencion di 41 miyon hende (6% di populacion den e region) cu ta exponi na tormenta y inundacion menasante. Y riba e lista ey Aruba ta figura tambe. “Mas di 80% di hospitalnan na Aruba y Islanan Cayman, Surnam, Bahamas y Guyana ta den areanan asina” e rapport ta conclui. E raportahe a keda publica y presenta durante e reunion na Antigua y Barbuda durante e Cumbre di Small Island Developing States pa cual Aruba y Corsou su prome ministernan tambe ta participando. “Islanan chikito den Pacifico, Atlantico y Caribe, cu emision neglisha, ta particularmente vulnerable pa crisis economico y aumento di temperature debi cu nan ta exponi na disaster natural, debe halto y ta depende riba importacion y turismo”. Segun e presidente di e conferencia, prome minister di Antigua y Barbuda, Gaston Browne, no ta suficiente pa nacionan simplemente haci compromise bashi y hopi inadecua, bou di e acuerdo di Paris.