ORANJESTAD – Despues di tabata den e funcion di director di Nationaal Centraal bureau Terrorismebestrijding, Veiligheid en Interpol (NCTVI) pa 6 aña y 2 luna, Adolph ‘Dolfi” Richardson a wordo releva di su cargo diabierna ultimo pa gobierno di Aruba (lesa: minister Rocco Tjon). E motibonan oficiaolmente no ta conoci, pero Richardson a confirma e informacion si pa Noticiacla. “Nan a onthef mi di mi functie. Pero mi a keda den departamento pendiente mi caso” e la bisa e portal aki dialuna. Esey ta implica cu e lo posiblemente bringa e ‘ontheffing’ aki. Segun e portal 24ora.com cu a bin prome cu e noticia, e motibo lo ta pasobra e lo no a pasa e ‘screening’ di seguridad.
SPECULACION
For di momento cu e noticia a plama, tabatin hopi speculacion riba e noticia aki, cu varios scenario pakico a ‘onthef’ e di e funcion asina importante diripiente. Sr Richardson ta conoci como un persona cu bon reputacion semper, respetouso y amabel. Pesey e noticia a cay di sorpresa pa hopi sigur. Tabata cla cu Richardson no ta bay laga e asunto aki y cu nos lo tende mas di esaki. A compronde cu fuera di e loke e la comparti cu e portal aki, lo no tin mas informacion riba e tema por lo pronto.
CARERA
Sr Richardon despues di tabata e hefe maximo di Cuerpo di Polis pa 8 aña entre Augustus di 2010 pa April di 2018, a bira e director na e departamento ariba menciona. For di 2010 tambe e tabata na cabez di Interpol Aruba (cu a bira parti di e departamento cu e tabata dirigi te cu diabierna). Richardson tambe tabata miembro di e curatornan di Universidad di Aruba pa varios aña. NOTA: E potret ta di archivo di Noticiacla.
ORANJESTAD – Un dia despues di a bishita Aruba, e barco crucero Rotterdam di Holland America Line, a raporta un brote di malesa gastrointestinal riba su nabegacion actual cu mas cu 100 pasahero malu abordo. Di acuerdo cu e Centronan pa Control y Prevencion di Malesa (CDC), Rotterdam di Holland America Line tin 107 invitado malo abordo di su biahe actual cu a sali dia 2 di februari 2025. Segun informe, 12 miembro di tripulacion tambe ta malo.
BOGOTA – Un grupo di ciudadano Colombiano a keda deteni pa agentenan di imigracion.Esaki segun e portal pluralidadz.com. Segun e relato, no ta specifica mucho si di ki tempo esaki a sosode ni cu cuanto hende. Solamente cu un grupo di agente di biahe Colombiano a raporta di ta victima di trato inhusto y arbitrario di autoridadnan di inmigracion di Aruba. Loke ta hala atencion, ta cu e accion aki a logra hala atencion di medionan Colombiano, poniendo un tinte negativo riba nos servicio di imigracion.
ORANJESTAD - Diaranson 13 di Februari 2025, Wikipedia riba Aruba lo lansa oficialmente cu un evento di apertura na Biblioteca Nacional Aruba. E proyecto aki, cu ta dura 18 luna, tin como meta pa educa e comunidad local riba e poder di Wikipedia, forma un comunidad activo pa comparti conocemento, y mustra e herencia rico di Aruba riba un plataforma global.