Caribbean Journal: Aruba e top destinacion pa vacacion di zomer

ORANJESTAD – Aruba ta e destinacion number uno pa vacacion di zomer segun e website popular Caribbean Journal. E ta lidera e top 10 di destinacionnan caribense unda cu por pasa miho durante e proximo temporada. E ta prome cu destinacionnan grandi manera Nassau, y Grand Cayman. E unico otro isla di Reino Hulandes ta Bonaire na number 4. E ta prome cu St Barths y St Vincent & The Grenadines ta na di 10 lugar.

E CRITERIA DI E LISTA

E lista, publica dialuna anochi, ta indica cu berdad cu Caribe ta ‘cayente’, pero cu esey ta tur caminda. Pero ‘ e loke cu Caribe ta ofrece ta diverso, cu un sin fin di islanan unda cu ‘bo por haya bo propio cool, sea cu ta windsurfing na Aruba of drenta e jungle di Dominica.

PAKICO ARUBA

Pa loke ta Aruba, e ta referi obviamente na e beach caribense cu ta semper ‘hip’, energetico, y porta mas importante, ‘semper pafo di e faha di horcan’. Esaki sinembargo ta wordo disputa den e region aki mes. Den e caso aki, e propaganda por ta un poco ‘incorecto’, pero esey no ta kita afo cu Aruba ta haya un otro propaganda excelente. Pa hotel, e ta recomenda Boardwalk of Bucuti Tara, of pa un hotel mas grandi, e ta recomenda Aruba Marriott. E otro 9 destinacionnan ta 2, St Barths, 3, Republica Dominicana, 4, Bonaire, 5, Nassau (Bahamas), 6, Dominica, 7, Martinique, 8, Cartagena (Colombia), 9, Grand Cayman, 10, St Vincent & the Grenadines. Lesa e articulo original aki.Foto Cortesia Caribbean Journal.