Van Huffelen na Noticiacla: Gobierno Hulandes nobo por para e acuerdo nobo cu Aruba, pero no ta kere cu lo sosode

DEN HAAG – Mientras cu Aruba y Hulanda (Gobierno actual) a yega na un acuerdo pa loke ta un Rijkswet pa loke ta nos situacion financiero, tin un gobierno nobo di Hulanda cu ta cla pa cuminsa traha. E pregunta di Noticiacla durante un encuentro cu e mandatario Hulandes diabierna mainta tabata, cu si tin chens cu e gobierno nobo y Tweede Kamer nobo por stroba e acuerdo aki y cancela tur cos. E mandatario Hulandes a bisa cu e posibilidad tey, pero e no ta kere cu esaki lo sosode.