- Feliz dia di Himno & Bandera
- Polis na Corsou investigando traficacion di hende despues di naufragio fatal
- A confisca brommer usa pa trece trafico y bida di hende na peliger
- Partidonan dispuesto pa reuni awe riba formacion di gobierno nobo
- Formacion ta tranca awor pa posicion di minister plenipotenciario
WEB: Storing den un transformator den e planta marduga a causa interupcion di coriente
ORANJESTAD – Un di e problemanan di coriente awe marduga, a sosode na WEB y tabata un storing den un transformator di suministro interno den e planta di WEB. Esaki ta kita e pensamento cu despues cu e compania MPR a yuda nan recientemente, cu lo no tin problema mas di coriente eynan. Pues problemanan ta sigui di coriente, aunke no mes frecuente na WEB. Y awe mainta, WEB mes a participa kico e problema di awe (marduga) tabata.
STORING
Segun e vocero, awe mainta algun minuut despues di 4 AM a sosode un storing den un transformador di suministro interno den planta di WEB. Esaki consecuentemente a saca un transformador mas grandi cu ta conecta riba e substacion di WEB for di servicio, cual riba su turno posiblemente a yega na 2 feeder di ELMAR.
INVESTIGACION
Un investigacion lo tuma lugar pa saca afo e causa di e fayo. No ta conoci si e compania mericnao MPR cu actualmente ta na Aruba pa investiga problemanan di ELMAR, lo ta parti di esaki. Segun WEB, e storing a causa interupcion di suministro di coriente pa diferente bario rond nos isla. “Team di WEB a tuma accion mesora na momento di e sucedido pa asina acelera e proceso di recuperacion di suministro. Pa 4:45 AM ELMAR a comunica cu e barionan afecta a recupera suministro di coriente”
DISCULPA
Y na final, manera custumber, a bin e acosumbrado ‘disculpa’.
“ WEB ta consciente di e molester cu e interupcion a causa y ta ofrece nos sincero disculpa pa esaki”, e comunicado di WEB ta finalisa bisando.
Feliz dia di Himno & Bandera
CMO: E sistema di alerta trempan di 1.7 miyon euro ta totalmente financia pa Union Europeo
ORANJESTAD – E Oficina di Maneho di Crisis di Aruba a anuncia e lansamento oficial di un Early Warning System (EWS) moderno cu ta un avance importante den e capacidad di Aruba pa maneha calamidad, sigurando cu alerta y informacion crucial ta yega na e momento oportuno na publico durante situacion di emergencia.
Bisk: Actuacion rapido di compania di jetski, a evita un situacion tragico riba laman na Aruba
ORANJESTAD - Loke por a caba tragicamente a keda evita danki na pensamento rapido di e compania di huur jet ski na Aruba e siman aki. Asina e rabino Levi Bisk a declara riba e portal hudiu chabad e siman aki. E compania segun Bisk , a tuma contacto cu Guardacosta directamente en bes di sigui e procedura standard di yama polis local prome, ora cu a tuma nota di e incidente unda cu dos turista hudiu a bolter cu jetski riba laman rond di Aruba. E desicion aki a resulta crucial, acelera e operacion di rescate cu mas cu un ora, sigurando cu e buskeda a cuminsa mientras cu tabata cla pafo y prome cu solo baha a haci buskeda y rescate exponencialmente mas difísil.
E programa Noticiacla LIVE ta trata e tema Early Warning System awe nochi 8:30pm
ORANJESTAD – Awe e director di Crisis Management Organization (CMO) Rino Hermans ta invitado den e programa Noticiacla LIVE. E tema principal ta e instalacion y operacion di e Early Warning System, pa Aruba y kico tur por spera di esaki. Sigur un tema interesante, cu hopi informacion valioso pa nos comunidad, relaciona cu e situacion di tempo y calamidad. E programa ta en bibo y ta cuminsa pa 8:30pm riba e pagina di Facebook di Noticiacla. Ta encurasha e pueblo cu ta mira e programa, pa haci pregunta si tin, y cu sr Hermans por contesta.
Cinco aña pasa awe, Aruba a raporta su prome caso di Covid19
ORANJESTAD – Awe ta 5 aña pasa cu Aruba a raporta su prome caso di Covid19, riba 13 di maart 2020. Algun dia despues, Aruba a cera porta pa mundo, pa 3 luna, causando un crisis severo cu a pone cu mester a ricibi ayudo di Hulanda pa por a saca nos mes for di e situacion financiero malo causa pa e crisis. Aruba a conoce miles di caso (44.911 entre 2020 y 2025) y centenares di morto (256 entre 2020-2023, cifra di 2024-2025 no ta cla ainda), a consecuencia di e virus aki.
Un dia despues di bandona Aruba, barco crucero ta raporta norovirus na CDC
MIAMI / ORANJESTAD – Un biaha mas un barco crucero cu a pasa Aruba, tabatin brote di norovirus. Den e caso aki, e barco cu a cuminsa su trip dia 21 di februari ultimo, a bishita Aruba dia 6 di maart ultimo, y dia 7 di maart, un dia despues, e Centro pa Control di Malesa (CDC) a informa cu e forma sumamente infectuoso di gastroenteritis ta haci pasaheronan malo riba e biahe di Coral Princess riba diabierna 7 di maart 2025. Di e 1.906 pasaheronan abordo, 69 a wordo raporta malo hunto cu 13 di e 895 miembronan di tripulacion di e barco. Mester bisa cu e barco a bolbe Aruba diaranson ultimo, esta ayera, 12 di maart 2025 atrobe, pero no tabatin mencion e ora di e virus mas.
Follow NoticiaCla
