Fiscal a pidi 13 aña di prizon reparti entre 6 sospechoso den Corte di Apelacion pa Avestruz

ORANJESTAD – Fiscal den Corte di Apelacion den caso penal Avestruz durante su rekisitorio dialuna mainta, a pidi hunto un total di 13 aña di prizon reparti entre 6 sospechoso, y 80 ora di trabou comunitario pa un otro sospechoso. Manera tabata e caso anterior, Fiscal, considerando ex minister Benny Sevinger e sospechoso principal y esun cu a haci mas daño, relaciona cu su funcion publico e tempo ey, a bolbe pidi e castigo di mas halto p’e di 4 aña di prizon, kitando e tempo di aresto preventivo, prohibicion di tin un funcion publico (di gobierno) y a kita su derecho di voto pasivo pa 8 aña largo. Pa sospechoso Sussebeek, atrobe a pidi 3 aña di castigo di prizon, kitando e tempo di aresto preventivo y confisca e suma di 1.3 miyon dollar riba su cuenta di banco. Pa Leoncita Arends a ripiti e sentencia di 3 aña di prizon kitando e detencion preventivo, multa di 25 mil florin. Pa e sospechosonan Mansur, Nuñez y Werleman, a pidi un castigo di 24 luna di prizon di cual 12 ta condicional, kitando e detencion preventivo, y pa cada un un multa di 25 mil florin. Pa Harms, a pidi 80 ora di trabou comunitario y un multa di 15 mil florin. Esaki ta un noticia den proceso.