Plasterk a retira su candidatura pa bira prome minister nobo di Hulanda

DEN HAAG – Ex informador Ronald Plasterk a retira su candidatura pa bira prome minister di Hulanda. Den un declaracion cu e portal Hulandes Telegraaf tin, e ta bisa cu mientras cu e noticianan riba dje ultimo dianan, ta incorecto, nan ta para den caminda di su nombracion como prome minister. “Mi no ta disponible mas” Plasterk ta scirbi den e carta. “Ultimo tempo tin noticianan cu a presenta unda cu ta duda den mi integridad y cu ta strobe un eventual funcionamento dimi como prome minister, hasta si nan ta incorecto. E acusacionan den mi contra ta incorecto. Mi ta completamente integro, y tabata dispuesto pa investiga e integridad aki completamente door di e formador y su conseheronan. Mi no ta dispuesto mas pa bira e lider di e gabinete aki. MI ta gradici tur hende cu a deposita confiansa den mi” e ta sigui bisa. 

ACUSACION

E la wordo acusa recientemente di varios cosnan cu e lo tabata envolvi den dje, manera no informa di cierto cosnan cu e lo a haci den su negoshi bieu, raporta cierto cifra, registra cierto patento y mas asunto relaciona cu su trabounan como comerciante. 

ARUBAPlasterk tabatin un vinculo hopi cera cu e islanan Caribense Hulandes ora cu e tabata minister di Relacionan di Reino. E tabatin tambe un impasse cu e gobierno di Aruba, ora cu Mike Eman tabata na mando, debi cu e la scohe Alfonso Boekhoudt pa gobernadora di Aruba, contra decision di Aruba e tempo ey. Boekhoudt tabata minister plenipotenciario pa Aruba e tempo ey na Hulanda. Como ‘castigo’, a retira Boekhoudt di su funcion e tempo ey. Asina mes Boekhoudt a keda apunta pa bira gobernadora di Aruba. Den un intento pa remedia e situacion, Eman a subi avion pa Hulanda, pero no prome cu Plasterk a informe cu e por bin, pero bou di cierto condicion, y cu e nombracion di Boekhoudt ta keda. Algo cu tabata un primicia e tempo ey di Noticiacla.