- Hospital Horacio Oduber tambe a participa na simulacro pa Tsunami awe
- Corsou ta den gara total di eleccion pa diabierna!
- Hospitalnan na Hulanda ta anuncia welga nacional
- Kirsty Coventry eligi como presidente nobo di Comite Olimpico Internacional
- Gobernador Boekhoudt a ricibi Consul General a.i. di Merca
Polis a haci detencion den caso di tiramento dilanti Tio Pepe Bar
SAN NICOLAS – Polis di San Nicolas a haci un detencion den e caso di tiramento cu a tuma lugar ariba 16 december 2023 dilanti Tio Pepe Bar & Restaurant situa na Betonicastraat na Pos Chiquito.
E team di recherche San Nicolas a traha incansablemente pa pone man riba e sospechoso(nan) den e caso encuestion.
Ariba 4 mei recherche ta detene e sospechoso masculino cu ta N.W. di 17 aña di edad.
No ta descarta cu lo tin mas detencion den e caso encuestion.
RESUMEN:
Tabata diasabra madruga 16 december 2023 pa 2:58 am na unda central di polis ta wordo notifica door di Alarma Central cu lo mester tin un caso di tiramento na altura di Tio Pepe Bar & Restaurant cu ta situa na Betonicastraat na Pos Chiquito.
Patruya ta yega cu maximo urgencia na e sitio y ta bin encontra cu un auto Mini Cooper destrui. Pero no ta topa cu niun persona.
Patruya di San Nicolas ta controla y den cercania ta bin topa cu huls.
Departamento di recherche di San Nicolas como tambe polis tecnico ta presenta na e sitio pa asina haci nan investigacion.
Un rato despues central di polis ta wordo notifica cu un persona lo a yega hospital cu herida di bala den curpa.
Ta trata di victima di inicial M. di 17 aña. E victima tabata critico e tempo ey pero despues a keda invalido pa motibo di e incidente.
Cuerpo Policial ta haci un apelacion pa esun cu sa algo of a wak algo pa yama e tiplijn di polis cu ta 11141.
Bo ta keda anonimo.
Cooperacion cu Merca riba tereno di Wardacosta di Caribe Hulandes ta continua
O’STAD /W’STAD/DEN HAAG.- E cooperacion entre Hulanda y Merca relaciona cu operacion di Wardacosta den Caribe ta continua normal apesar cu Donald Trump un biaha mas ta presidente di Merca. Asina minister Hulandes di Defensa, Ruben Brekelmans (VVD), ta confirma den un carta pa parlamento Hulandes, ‘Tweede Kamer’. Den e carta, e minister ta contesta preguntanan di parlamentarionan riba e topico akí.
A confisca brommer usa pa trece trafico y bida di hende na peliger
Wardacosta a rescata dos turista riba waverunner
ORANJESTAD - Wardacosta Caribe Hulandes diamars atardi a risibi un notificacion di un compania di watersport den area di Eagle Beach cu tin dos turista perdi riba lama. E compania di watersport mes a bai busca e dos turistanan riba lama y a encontra un waverunner, pero no tawata tin ningun persona ariba. Mesora e Centro di Operashonnan (MOC) di Wardacosta a dirigi e helicopter y un Metal Shark pa busca e dos turistanan riba lama.
A honra 3 polis pa a logra de-escala situacion peligroso durante Jouvert Morning
MACUARIMA - Fin di luna di februari 2025, altocomisario Arnhem a yama tres colega policial pa presenta na Warda di Polis Santa Cruz pa honranan personalmente pa nan accion relampago y eficaz. Durante di Parada di Jouvert Morning a sosode un tiroteo net patras di Julio’s bar na San Nicolas. Na e momento ey tabata tin un multitud di persona gosando di Jouvert Morning, y pa colmo e parada tabata pasando na momento di e tiroteo.
Seis Arubiano entre 15 di Caribe a gradua pa soldad di Caribe Hulandes
Chauffeur di prome minister deteni pa ‘delitonan sexual’
ORANJESTAD – Ministerio Publico diamars mainta a informa cu awe manta polis a detene e homber K. relaciona cu un investigacion cu tin andando di delitonan sexual. Durante e registro den cas di K. na Papilon a confisca cargadornan di informacion, como tambe seis arma di candela y un cantidad considerable di municion. K. ta ambtenaar di funcion y durante periodo di gabinete Wever-Croes 1 y 2, ta fungi como chauffeur pa prome minister di Aruba Evelyn Wever-Croes. Noticiacla a compronde cu e ta un miembro di club di tiramento, y cu e armanan lo ta pertenece na e club aki.
Follow NoticiaCla
