"Ora e Curpa di un Hende Muhe Cambia: Menopausa"

Posted on 05/15/2024 4:07 pm AST | Updated on 05/15/2024 4:07 pm AST

(ADVERTORIAL)

ORANJESTAD - Atami’ki atrobe! Mi nomber ta Dasha, boticario na Botica di Servicio cu nos siguiente edicion! 

Awe nos ta bai papia di un topico cu no por falta ora nos ta papia di hende muhe y mamanan. Menopausa, specificamente conoci como e "cambio di bida," ta un proceso biologico natural cu ta marca e fin di e añanan reproductivo di un muhe. Aunke ta un hito cu cada muhe eventualmente lo yega, e caminda atraves di menopausa por ta acompaña pa un variedad di sintomanan cu ta varia for di un poco molesto pa disruptivo. Calor inmenso, cambionan di humor, insomnio, y secura vaginal ta solamente algun ehempel di e desafionan cu hende muhe por enfrenta durante e transicion aki. 

Afortunadamente, medicina moderno tey pa yuda hende muhe maneha e sintomanan di menopausa y mehora nan calidad di bida. 

TERAPIA DI HORMONA (TH):

Terapia di hormona, tambe conoci como terapia di reemplazo di hormona, ta posiblemente e tratamento mas conoci pa sintomanan di menopausa. Esaki ta envolve tuma estrogeno su so of en combinacion cu progesterona (pa hende muhe cu tin utero) pa reemplaca e hormonanan cu ta baha den cantidad durante menopausa. TH por efectivamente alivi’e e hot flashes, soda durante anochi, secura vaginal, y otro sintomanan. Sinembargo, esaki no ta sin su efectonan secundario. Estudionan a relaciona uso prolonga di TH cu un aumento di riesgo di cancer di pecho, enfermedad di curason, stroke, y trombose. Pesey ta esencial pa hende muhe discuti e riesgonan y beneficionan potencial cu nan dokter y compara e necesidadnan di salud individual y preferencianan contra e riesgonan. 

ESTROGENO VAGINAL: 

Pa hende muhe cu ta experencia secura vaginal, grawatashi, of incomodidad durante relacion sexual, terapia di estrogeno vaginal por brinda alivio. Compara cu terapia di hormona sistemico, cu ta circula den henter e curpa, estrogeno vaginal ta aplica directamente na e parti vaginal den forma di cremanan of tabletanan. E tratamento localisa aki por yuda restora humedad y elasticidad na e parti vaginal sin aumenta significativamente e nivelnan di estrogeno sistemico, asina reduciendo e riesgo di efectonan secundario. 

TRATAMENTONAN NON-HORMONAL: 

Ademas di medicacion, tin varios tratamentonan no-hormonal y modificacionan di estilo di bida cu por yuda maneha sintomanan di menopausa. Esakinan por inclui suplementonan herbal (p.e. isoflavonan di soya), acupunctura, yoga, meditacion mindfulness, y cambionan dietetico. Mientras cu e evidencia cu ta sostene nan efectividad ta varia, hopi hende muhe ta haya e method nan aki ta yuda nan sintomanan. 

Ta importante pa tene na cuenta cu no tin un miho manera pa maneha menopausa. Loke ta traha pa un hende muhe porta no ta traha pa otro, y preferencianan individual, historia medico, y riesgonan mester tur ta considera na momento di scoge un plan di tratamento. Adicionalmente, comunicacion regular cu un dokter ta esencial pa monitor sintomanan, ahusta medicamento segun necesario y aclara cualkier preocupacion of pregunta cu por surgi. 

Y manera semper, nos di Botica di Servicio semper tey pa yudabo cu un conseho personalisa!

  • AZV: Traspaso automatic di dr Alvarez pa dr Rangel

    AZV: Traspaso automatic di dr Alvarez pa dr Rangel

    ORANJESTAD - Pa medio di e comunicado di prensa aki, Organo Ehecutivo AZV ta informa tur asegurado inscribi cerca dokter di cas Norma Alvarez Quezada cu e contracto a yega su final, conforme e stipulacion di fin di contracto. Nos ta gradici dokter Norma Alvarez Quezada pa tur cuido cu el a brinda nos aseguradonan y ta desea su persona tur clase di exito pa futuro. Pa continuacion di servicio medico, nos ta percura pa un traspaso automatico.

  • Rein Hulst di Schiphol a bira parti di Management Team di Dienst Brandweer Aruba

    Rein Hulst di Schiphol a bira parti di Management Team di Dienst Brandweer Aruba

    ORANJESTAD – Ministerio di Husticia conhunto cu Aruba Airport Authority N.V. (AAA) a anuncia cu sr. Rein Hulst, cu actualmente ta fungi como Manager of Emergency Response na Schiphol Airport, lo keda asigna na AAA y na mes momento lo keda asigna na Management Team di Dienst Brandweer Aruba cuminsando desde 1 di juli 2024. Prome cu e fecha aki, Hulst lo inicia cu algun trabou preparatorio den consulta cu Dienst Brandweer y AAA. 

  • Dolfi Richardson a keda releva di su funcion di director na NCTVI

    Dolfi Richardson a keda releva di su funcion di director na NCTVI

    ORANJESTAD – Despues di tabata den e funcion di director di Nationaal Centraal bureau Terrorismebestrijding, Veiligheid en Interpol (NCTVI) pa 6 aña y 2 luna, Adolph ‘Dolfi” Richardson a wordo releva di su cargo diabierna ultimo pa gobierno di Aruba (lesa: minister Rocco Tjon). E motibonan oficiaolmente no ta conoci, pero Richardson a confirma e informacion si pa Noticiacla. “Nan a onthef mi di mi functie. Pero mi a keda den departamento pendiente mi caso” e la bisa e portal aki dialuna. Esey ta implica cu e lo posiblemente bringa e ‘ontheffing’ aki. Segun e portal 24ora.com cu a bin prome cu e noticia, e motibo lo ta pasobra e lo no a pasa e ‘screening’ di seguridad.

  • Colegio Arubano ta celebrando 65 aña di existencia

    Colegio Arubano ta celebrando 65 aña di existencia

    ORANJESTAD - E aña ki Colegio Arubano ta celebra su 65 aniversario. Durante henter aña escolar Colegio Arubano ta sumamente activo cu diferente actividad deportivo, cultural of participando den proyectonan educativo of yudando comunidad. Tur esaki banda di e programa educativo regular di scol, e aña escolar venidero lo ta un special pa motibo cu Colegio Arubano lo ta celebrando su 65 aniversario den luna di oktober. E celebracion lo cuminsa den siman cu opening di e siman di celebracion na scol y lo culmina cu un anochi sumamente special pa comunidad di Aruba henter, caminda lo tin discuro, baile, presentacion musical di grupo di Colegio Arubano y bandanan musical popular. Tambe lo tin bar y cushina bon surti y na bon prijs. Colegio Arubano ta invita pueblo di Aruba henter pa continua apoya nos scol. Colegio Arubano su contribucion na comunidad di Aruba semper a keda uno grandi y valioso.  

  • Gobernador a condecora Nicole Hoeverz (COA) y Hendrik van Gaalen

    Gobernador a condecora Nicole Hoeverz (COA) y Hendrik van Gaalen

    ORANJESTAD - Diabierna 24 di mei, Gobernador di Aruba, Su Excelencia Alfonso Boekhoudt, a otorga na Sra. Nicole Lucia Maria Hoevertsz y Sr. Hendrikus Antonio Eldemiro van Gaalen e condecoracionnan di Officier, respectivamente Ridder in de Orde van Oranje-Nassau. Esaki a sosode awor pasobra ora cu a haci e condecoracion inicial, nan no tabata na Aruba. 

  • Gerente di Amsterdam Manor ta bati alarma (atrobe) riba situacion alarmante di RWZI

    Gerente di Amsterdam Manor ta bati alarma (atrobe) riba situacion alarmante di RWZI

    ORANJESTAD – Den un carta habri dirigi na prome minister Evelyn Wever-Croes y otro stakeholders, e gerente doño di Amsterdam Manor Beach Resort Jürgen van Schaijk a ‘bati alarma’ y pidi atencion pa e concepto di ley pa e traspaso di e trabou di net di riool, y e instalacion di kimamento, y e medida di emergencia pa evita un disaster pa cu e instalacion di Riool Water Zuiverings Instalatie (RZWI) na Bubali. 

  • Postobon
  • Powered by SETAR