Abogado a purba establece relacion entre Sevinger y comerciante Harms den caso Avestruz

Abogado a purba establece relacion entre Sevinger y comerciante Harms den caso Avestruz

Posted on 05/14/2024 4:16 pm AST | Updated on 05/14/2024 4:17 pm AST

ORANJESTAD – Siendo cu e ta e sospechoso principal den e caso penal Avestruz, ex minister Benny Sevinger mester a presenta diamars atardi como testigo pa e otro acusado Kurt Harms. Pa medio di un interogatorio di e abogado di Harms, mr Vito Carlo, Sevinger pa practicamente un ora largo, mester a contesta un cantidad di pregunta,  unda cu hasta huez y fiscal tabata añadi nan propio preguntanan tambe. Sevinger, sinta dilanti di huez, a contesta tur pregunta aunke cu varios e no tabata corda e contesta debi na e laso di tempo cu a surgi ora cu  e  tema tabata valido.

SCENARIO DEN CUAL SEVINGER A FUNGI COMO MINISTERE interogatorio a inicia door di set e base for di cual Sevinger a fungi como minister, e maneho cu e minister a hiba, y e tipo di proyecto cu tabatin ta desaroya of cu tabatin deseo pa ehecuta. Sevinger aki a bay bek na comienso di su carera como minister, unda cu e intencion tabata pa crea espacio pa e.o. comercio desaroya proyectonan pa boost economia. Tur esaki pa establece unda cliente di Carlo, Harms a bin ‘in the picture’, y kico tur a tuma lugar entre nan dos. 

INICIO DI CONTACTO

Tabata obvio cu a purba tambe, pa medio di un cantidad di pregunta, tanto di abogado y huez, establece e relacion exacto entre Harms y Sevinger, cuanto tempo e relacion tabata existi, con e la bin den contacto cune, ki tipo di relacion tabatin entre nan dos y kico tur a sosode durante e periodo cu Sevinger tabata minister. A resulta conforme e contesta di Sevinger, cu Sevinger conoce Harms prome cu e la bira minister, tempo cu e tabatin su negoshi di architectura y diseño SHS Design. Via un socio di e compania, cu tabata conoce Harms, Sevinger a drenta den contacto inicial cu Harms. Y asina e relacion a cuminsa, pero algo puro comercial. Pero e la sigura cu nan no tabata y of ta amigo. 

RELACION ORA SEVINGER A BIRA MINISTER 

A establece tambe cu Harms tabata kier ayudo di e gabinete Mike Eman 1 na inicio cu e gabinete a sinta  debi cu e gabinete anterior di MEP a strobe di haci proyecto. A sali na cla tambe durante e interogatorio cu Harms tabata mas conecta cu premier Mike Eman e tempo ey, y cu cada bez cu Harms bishita Eman, Eman tabata yama Sevinger acerca den su calidad di minister di Infrastructura, y discuti proyectonan cu Harms tabata interesa aden of kier a haci. 

 CAYA GRANDI Y ORANJESTAD

A establece tambe durante e interogatorio cu mientras cu Harms tabata interesa pa desaroya hotel na beach, Sevinger a bise pa e desaroya centro di ciudad, pero cu e mester a bay DIP pa haci. Algo cu Harms a bay di acuerdo cu Sevinger.  A sali na cla durante e interogatorio, cu Sevinger a anticipa na Harms di lo a ‘yude’, aunke cu Harms mester a bay DIP si. A estab lece tambe cu Sevinger a haci tur posibel pa complace Harms pa inverti eynan, door di e.o. provee un tereno pa e hotel. A conclui tambe cu Harms a haya palabra di Sevinger pa cierto beneficio manera traha un hut na beach, pa su hotel. Pues Sevinger a acomoda Harms den su peticionan. Na final, sinembargo, nada no a sigui.  

HARMS SU SOSTEN FINANCIERO PA SEVINGER

Hopi atencion a wordo duna na e aspecto financiero entre Harms y Sevinger pa loke ta sosten. Specificamente donacionan haci pa e fundacion di Sevinger, Fundacion Bon Curason. Preguntanan specifico mester a determina si Harms (yiu y tata:red ) a contribui na e fundacion, cuanto y kico tabata e motibo. Tambe, a purba saca afo con envolvi Sevinger mes tabata cu e donacionan, esta si e mes tabata ricibi placa, si e tabata check e bukinan pa sa ken y cuanto placa tabata drenta. Sevinger a sigura cu e tabatin un bista global, pero no cu e mes tabata check buki. E la admiti si cu e mes tambe tabata envolvi den busca donacion pa su fundacion. A establece cu Sevinger a ricibi donacionan via e companianan di Harms, pero no tabata sa e sumananan deposita. Mientras cu Sevinger a desmenti cu e mes tabata pidi Harms pa donacion, a keda confirma pa Harms mes cu e e la wordo acerca door di miembronan di e fundacion pa donacion. Huez tabata hopi interesa den sa con exactamente Sevinger a sostene Harms y con e sosten a bin bek. Esaki tabata pa establece posiblemente si e sosten di Harms den forma financiero, tabata un ‘danki’ pa e sosten cu Sevinger a duna Harms den forma di ayudo pa cu opcion pa tereno etc.   

ESTABLECE RELACION ENTRE HARMS Y SEVINGER

Tabata obvio cu a purba tambe, pa medio di un cantidad di pregunta, tanto di abogado y huez, establece e relacion exacto entre Harms y Sevinger, cuanto tempo e relacion tabata existi, con e la bin den contacto cune, ki tipo di relacion tabatin entre nan dos y kico tur a sosode durante e periodo cu Sevinger tabata minister. A resulta conforme e contesta di Sevinger, cu Sevinger conoce Harms prome cu e la bira minister, tempo cu e tabatin su negoshi di architectura y diseño SHS Design. Via un socio di e compania, cu tabata conoce Harms, Sevinger a drenta den contacto inicial cu Harms. Y asina e relacion a cuminsa, pero algo puro comercial. Pero e la sigura cu nan no tabata y of ta amigo. E caso mes ta cuminsa diaranson mainta 9’or cu rekisitorio di Ministerio Publico contra e 7 sospechosonan. 

  

  • Koki herida den e pelea entre yiunan di politiconan, ainda no por ricibi su placa

    Koki herida den e pelea entre yiunan di politiconan, ainda no por ricibi su placa

    ORANJESTAD – E koki A.H. cu a keda herida durante e pelea den un restaurant cu a envolvi yiunan di politiconan local na 2022 incluyendo yiu di prome minister Wever-Crpes, ainda no por keda cla pa haya su indemnisacion. Durante e pelea aki, un di e sospechosonan esta Torres Mendez a causa e lesion na e braza di e koki durante e pelea, door di tira cu glas cu a alcansa e koki su brasa. Door di e acto aki, e castigo di Torres Mendez durante e caso tabata mas halto. E caso mes a keda trata na comienso di 2023, y pa April 2023, e la keda sentencia pa su participacion. 

  • Suarez: Tera News mester rectifica declaracion dañino contra minister Endy Croes!

    Suarez: Tera News mester rectifica declaracion dañino contra minister Endy Croes!

    ORANJESTAD – Tera News, compania madre di e portal 24ora.com y e programa radial Enfoke, mester rectifica declaracionan dañino contra minister di deporte y enseñansa Endy Croes. Esey tabata e base di e defensa di abogadonan Suarez y Ruiz dialuna mainta den Corte den e caso cu nan a entama contra Tera News.

  • Kock: Tera News a relata e realidad, pues no tin nada pa rectifica!

    Kock: Tera News a relata e realidad, pues no tin nada pa rectifica!

    ORANJESTAD – Corte mester rechasa e demanda di minister Endy Croes contra Tera News, pa rectificacion pasobra clientenan tin prueba di loke nan a declara contra e minister. Specificamente, e rapport cu e compania Ernst & Young a traha riba e caso di Fundacion Lotto pa Deporte,(FLPD) mes ta bisa esaki den e rapport. Asina abogado di Tera News, David Kock a argumenta den corte dialuna mainta. E caso ta pa su clientenan rectifica e declaracion cu e minister lo a enrikese su mes y famianan cu placa di e fundacion. 

  • Dialuna mainta minister ta topa Paskel y Andrade den corte pa exigi nan pa rectificacion

    Dialuna mainta minister ta topa Paskel y Andrade den corte pa exigi nan pa rectificacion

    ORANJESTAD – Minister Endy Croes, ta topa e presentadornan di e programa Enfoke, esta Patrick Paskel y Nelson “Speed” Andrade dialuna mainta den corte. Inicialmente  manera cu e portal aki a raporta anteriormente, e caso mester a tuma lugar diabierna ultimo. Pero partidonan a pidi pa cambia esaki y Corte a concede esaki y awor a pone pa dialuna mainta 27 di mei 2024 e caso tuma lugar pa 8’or y mei di mainta. 

  • Zoë Konijn di Luna Foundation riba sentencia contra Groeneveldt pa abuso di cacho:”Justice was served”

    Zoë Konijn di Luna Foundation riba sentencia contra Groeneveldt pa abuso di cacho:”Justice was served”

    ORANJESTAD – “Justice was served”, tabata e prome reaccion di presidente di Luna Foundation, Zoë Konijn, pa Noticiacla despues di a tende e sentencia contra e ciudadano A. Groeneveldt pa a maltrata su cacho, cu despues a fayece. Konijn tabata presente tambe den corte durante e tratamento di e caso. “E la haya su taakstraf. E tin cu paga un boet. Si nan lo a haci vrijspraak, it would have been worse”, Konijn a sigui bisa. E la haya un castigo. E no ta mustra cu e tin remorse. Pues e mester a haya un tipo di castigo, pa hende wak cu un maltrato severo asina no ta bay zomaar. 

  • Huez: Ta proba legalmente cu Groeneveldt a maltrata su cacho

    Huez: Ta proba legalmente cu Groeneveldt a maltrata su cacho

    ORANJESTAD – Dos luna despues di e incidente di maltrato di cacho, e doño di e cacho, A. Groeneveldt tabata dilanti mesa berde pa responde pa e acusacion contra dje di maltrato di cacho. Durante dos ora largo e la keda confronta cu e hechosnan, pregunta di huez, rekisitorio di fiscal y e defensa di parti di su abogado. Na final, huez tabatin suficiente informacion pa dicta un sentencia mesora den su contra, cual sentencia e la dicidi di acepta mesora tambe, haciendo esaki irrevocable e ora. 

  • Powered by SETAR