- Minister Hulandes di Husticia van Weel a bishita wardanan di polis na Aruba awe
- Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
- Veldkamp: Hulanda lo actua contra Venezuela despues di expulsion di diplomaticonan
- Feco Gomez(AMAK): Arubianonan ta participa atrobe den festival di Tumba di Corsou
- Zoetrum (CTB): Corsou tin un sin fin di actividad pa Arubianonan den 2025
Siman di examen final di scolnan secundario a inicia
AMSTERDAM – Na Hulanda (y Aruba tambe) miles di studiante di scolnan secundario a drenta e siman di examen final. Mientras cu no ta conoci cuanto studiante ta participa, na Hulanda e cantidad aki ta 200 mil. Interesante ta cu cellular y holoshi ‘tipo smart’, osea p.e. un appel watch, no ta permiti den e local unda cu e studiante ta traha e examen. E prome dia a cuminsa cu historia y staatsinrichting, musica y griego y cultura. Tur ta depende cua di e nivel di scol secundario bo ta bay. Un cos ta sigur cu dia 12 di juni, e resultado lo ta conoci. E ultimo examennan ta dia 29 di mei proximo.
Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
DEN HAAG – Ta bergonsoso cu partido politido KEM na Corsou, a apunta su lider Lo Martinez como lijsttrekker, esta pa lidera e lista politico pa e proximo eleccion, siendo cu e persona tin un luna cera caba den prizon, pa sospecho di corupcion. E miembro di Tweede Kamer pa partido PVV Peter van Haasen, a cuestiona e secretario di estado Hulandes Szabó riba e tema aki durante un debate riba islanan CAS diaranson mainta. Segun e miembro di PVV, a spera un intermediacion di parti di Hulanda, pero Szabó a splica cu e no por intermedia den e asunto aki. E ta compronde si cu den e debate di awe mainta, no tin sosten pa e acto cu a tuma lugar na Corsou.
Veldkamp: Hulanda lo actua contra Venezuela despues di expulsion di diplomaticonan
DEN HAAG - Como contesta riba e expulsion di varios diplomatico Hulandes for di Venezuela e siman aki, minister di Relashonnan Eksterior Hulandes Veldkamp a yama e encargado di asuntunan Venezolano (un hende cu ta tuma e tareanan di un embahador) ‘op het matje’. Veldkamp ta yama e desaroyonan un escalacion cu ta haci e dialogo mas complica ainda.
Dies caso di contaminacion pa a come blueberry di Albert Hein na Hulanda
AMSTERDAM - Diez persona a raporta na Albert Heijn ayera nochi laat cu nan a bira malo despues di a come blueberry. E cadena di supermercado a anuncia un retiro grandi despues cu por lo menos diesdos persona a keda infecta cu hepatitis A despues di a consumí blueberry congela.
Van Dijk (NSC) a bira presidente di Comision di Relashonnan di Reino pa Tweede Kamer
DEN HAAG – Olger van Dijk (NSC) ta e presidente nobo di Comision di Relacionnan den Reino di Camara di Representantenan (Tweede Kamer). El a haya 4 di e 6 votonan emiti. Oponente Songül Mutluer (GroenLinks-PvdA) – e presidente interino te ku awe – a risibí 1 voto. E comision aki ta atende cu asuntonan cu ta regarda e.o. asuntonan di Aruba, Corsou y St Maarten y islanan BES. Esaki ta haci su posicion di importancia pa nos.
Secretario di Estado pa Asuntonan di Reino Zsolt Szabó a firma registro di condolencia
DEN HAAG – Secretario di Estado pa Asuntonan di Reino Zsolt Szabó a firma e registro di condolencia na Gabinete di Aruba pa ex-prome Minister Henny Eman kende riba 6 di Januari ultimo a fayece na e edad di 76 aña.
Zsabó: ‘No tin luga pa corupcion den e paisnan Caribense di Reino’
DEN HAAG – Corupcion, minamento di confiansa publico, y otro formanan di criminalidad no tin luga den un estado constitucional, segun Zsolt Zsabó, Secretario di Estado di Relashonnan di Reino Hulandes. Zsabó a enfatisá su compromiso pa promove bon gobernacion y fortalese estado di derecho den colaboracion cu e paisnan Caribense denter di Reino Hulandes.
Follow NoticiaCla
