Pa di tres biaha den un siman coriente ta bay na Seroe Blanco, Tanki Leendert y besindario!

ORANJESTAD – Siman a bolbe habri, cu problema cu coriente den un of otro bario. Dialuna merdia, Elmar a confirma cu a constata un storing den e area di Seroe Blanco, Tanki Leendert, Seroe Patrishi y  vecindario. “Nos tecniconan ta mobilisando y nos lo mantene boso informa asina cu tin mas update”. No a bisa si ta un otro blaas di helium por tabata e causa of algo ‘subteraneo’. A compronde cu esaki ta di tres biaha den un siman cu e barionan aki ta haya problema cu coriente.