- Feliz dia di Himno & Bandera
- Polis na Corsou investigando traficacion di hende despues di naufragio fatal
- A confisca brommer usa pa trece trafico y bida di hende na peliger
- Partidonan dispuesto pa reuni awe riba formacion di gobierno nobo
- Formacion ta tranca awor pa posicion di minister plenipotenciario
Tur 7 sospechoso di caso Avestruz tabata den Corte di apelacion awe mainta
ORANJESTAD - Tur 7 sospechoso di e caso penal Avestruz a presenta riba e prome dia cu Corte di Apelacion a cuminsa, aunke cu riba e agenda tabatin testimonio di un testigo specifico. E 7 sospechosonan cu tabata presente dialuna, ta pasobra sea nan a apela nan sentencia orginal di Corte di Prome Intancia of cu Ministerio Publico a opta pa apela nan sentencia. Entre nan tabatin e sospechoso principal Benny Sevinger cu 6 cargo contra dje, Ninosca Nuñez, (2), Gaby Werleman (2), Leoncita Arends (3), Sussebeek (2), Carlo Mansur Jr (2), y Kurt Harms tambe cu dos 2 cargo contra.
EMOCIONAL
Por a nota cu di tur e sospechosonan, esun cu mas tabata emocional, tabata Leoncita Arends. Dado momento huez a informa Arends cu si e tabatin mester di un momento, e lo por a haye. Ta notable cu visiblemente den sala di corte, mientras cu otronan tambe lo a e keda afecta, Arends tabata esun cu mas a mustra esaki emocionalmente. E mester presenta den corte diaranson atrobe, hunto cu demas sospechoso.Mescos tabata e caso cu un cantidad di abogado (5), cu tabata kier ta presente pa scucha sigur e parti di e testigonan. SInembargo ora cu e sospechosonan a bandona e sala hunto cu nan respetivo abogado, e abogadonan Kock y Illis , abogadonan di Benny Sevinger si a keda den e sala.
DAMMERS
E intencion riba e prome dia, tabata pa scucha e testigo I. Dammers, miembro di management team di Directie Infrastructuur en Planning (DIP).
HECHOS SEGUN PG
Fiscal di Ministerio Publico, na nomber di Procurador General a repasa e cargonan cu tin contra e sospechosonan. A lesa e cargonan cu tin contra tur e sospechosonan, y a cuminsa cu e sospechoso principal Benny Sevinger. Ta trata di un cantidad di 6 cargo contra di dje. Nuñez, (2), Werleman, (2), Arends (3), Sussebeek (2), Mansur (2), y Harms (2).
PLANNING DI CORTE
E intencion ta pa awe mainta scucha Dammers, despues di merdia sr Baquez, y diamars e sospechoso Sevinger, pero e biaha aki como sospechoso. Diaranson ta cuminsa cu e tratamento mes unda cu ta enfoca riba e dossiernan Elenath, Damira y Deshaun, Atardi ta trata e parti di e sospechoso Susebeek y diahuebs ta trata e Fundacion Curazon Berde (fundacion di Benny Sevinger) y ta finalisa cu e circumstancia personal di cada sospechoso. E caso completo lo termina otro siman diaranson atardi.
Gobierno a gana caso contra Amsterdam Manor Resort y AWSS pa asunto di RWZI
ORANJESTAD – Gobierno pa medio di su abogado mr David Kock a gana su caso contra tanto Amsterdam Manor como e compania nobo cu ta encarga cu trabou na e Riool Water Zuiver Instalatie (RWZI) na Bubali, esta Aruba Wastewater Sustainable Solutions NV (AWSS) cu ta nifica cu e no mester paga multa pa incumplimento di trabounan necesario pa limita e mal holor di awa sushi na e hotel y area. Pa loke ta e multa, esaki ta di riba 1.5 miyon florin incuri, segun e hotel en cuestion. . . Pero durante e caso, a bira cla cu gobierno no por wordo teni responsabel pa tur e loke cu e hotel ta alega, y cu como tal a sea cumpli of ta cumpliendo cu e peticion conforme un ssentencia di dia 8 di mei 2024, unda cu gobierno a haya un set di medida pa implementa, pa remedia e situacion di mal holo a consecuencia di e fayo na RWZI. Huez a bay di acuerdo cu e ponencia di gobierno, y a dicta cu mesora, e multanan no por wordo cobra. Ademas, en caso gobierno viola e acuerdo nobo, cu e multa cu e hotel por eventualmente cobra, ta un maximo di 330.000 florin envez di e 5 miyon impone, y por wordo cobra un biaha so.
Besaril: A tir’e bou di bus mientras otro, acusa di mesun cos ta haya otro trato
ORANJESTAD – No obstante cu e lo haya su chens ora cu Corte trata e caso penal Tulipan integralmente proximamente, y a bisa tambe diaranson mainta di lo haci esaki na su debido momento, ex minister plenipotenciario Guilfred Besaril a comparti su pensamento den corte durante e asina yama ‘Regie-Zitting’. Segun Besaril, e base di su caso mester ta basa riba igualdad di trato, y e maneho presupuestario hiba durante su periodo como minister na Hulanda.
OM: Ex minister Besaril sospecha di malversa hopi placa di gobierno
ORANJESTAD – Diaranson mainta, Ministerio Publico a presenta e cargonan contra sospechoso principal di e caso Tulipan, Guilfred Besaril y Glenn Ling, durante tratamento di e caso ‘pro forma’. Mayoria di e cargonan ta relata na malversacion di fondo, usando tarjeta di credito di gobierno, cu cual lo a cumpra cosnan personal. Ademas a malusa nan respectivo funcion.
Corte a limita cantidad di testigo cu defensa kier a scucha ainda den caso Tulipan
ORANJESTAD – Huez diaranson mainta a limita e cantidad di testigo cu defensa den caso penal Tulipan a pidi pa scucha ainda of atrobe. E la permiti ‘apenas’ 4 di e 10 nombernan someti diaranson mainta. E caso ta envolvi e.o. ex minister plenipotenciario Guilfred Besaril y ex director suplente di Arubahuis sr Ling cu ta wordo acusa di e.o. estafa, y malversacion di fondo publico. E caso diaranson tabata mas bien un ‘regiezitting’ pa determina e progreso di e investigacion y caso.
Barco di guera Hulandes ta intercepta por lo menos 500 kilo di cocaina den laman Caribe
MIAMI - E Barku di Marina Hulandes Zr.Ms. Groningen riba dianan 13 i 25 di Febrüari a interseptá dos transporte di droga den Laman Karibe. Zr.Ms. Groningen durante su ronda di patruyahe a keda informá di parti di un avion di patruyahe Merikano, tokante e dos ‘go-fast’ nan. Ku e boto rápido di intersepshon, FRISC, ku tabatin na bordo un ekipo kombiná di e tripulashon di e barku di Wardakosta Merikano, ku a subi na bordo di Zr.Ms. Groningen, i esakinan a persiguí e botonan go-fast. E promé go-fast a sabi di skapa, pero den esaki si a logra tira su kontrabanda den laman, ku den e kaso aki e FRISC a saka for di laman.
Ex minister Besaril mester presenta dilanti mesa berde diaranson pa caso Tulipan
ORANJESTAD – Diaranson mainta awor, ex minister plenipotenciario Guilfred Besaril hunto cu e ex director di Aruba Huis mester presenta dilanti mesa berde pa responsabilisa nan mes pa e cargonan cu tin contra nan. Ademas, Besaril mester presenta pa un caso di expropiacion, esta pagamento bek di un suma cuantioso na gobierno di Aruba. Conforme e agenda di corte (rol), caso ta riba rol di corte pa cuminsa 8’or y mei di mainta. A compronde tambe cu e tratamento lo ta mas bien un regie zitting, esta ‘solamente’ atende di forma cu huez por haya un actualisacion di kico falta ainda prome cu e caso mes tuma lugar. Lo puntra p.e. si mester mas informacion, documento, interogacion di testigo etc. Y e ora huez lo mas sigur pone un fecha mas pa wak si tur cos ta cla y despues stipula un fecha pa e caso tuma lugar. Por bien ta cu diaranson mes, dependiendo con e caso ta bay, cu huez por postula un fecha pa e caso bin dilanti. Ta premira cu e caso por tuma lugar net prome of despues di zomer recess ainda e aña aki.
Follow NoticiaCla
