Catcher Chadwick Tromp ta desmenti cu su number tin relacion politico cu ex presidente Trump

ATLANTA – E number riba uniform di baseball professional di e Arubiano Chadwick Tromp a crea un tipo di controversia recientemente na Merca. Pa straño cu por zona, a relaciona su number 45 riba su uniform, combina cu su fam, cu e presidente number 45 di Merca, cu tambe tin e fam, aunke skirbi diferente. Donald Trump tabata e di 45 presidente Mericano. Y ta conoci cu ora cu e mester a tira e prome bala, e tabata bisti e uniform cu e number 45. Den e caso aki, e Arubiano a haye den un tangana sin sa. Tromp a sigura prensa Mericano cu e no a tuma e number ey pa haci un gestion politico. De hecho, e ta sigura cu e no a ni conecta e dos cosnan cu otro. Cu e tin e fam Tromp (cu na ingles por wordo relata como Trump), y e number 45, ta puro coincidencia, Tromp a sigura tur hende. “Semper nan a grita Tromp 45, pero nunca mi a pone nan hunto. Mi a kere cu tabata solamente, Chadwick Tromp, number 45’. Segun e portal The Athletic, Trump a pidi pa un cambio di number di 48 pa sea 14 of 60. Pero esey no tabata posibel pues e la haya e number 45. Tromp a bisa cu e ta gusta e number, pero no tin niun interes politico.