Netanyahu determina pa sigui cu guera, hasta sin ayudo di Merca si mester

JERUSALEM – Premier di Israel, Benjamin Netanyahu a bisa cu Israel lo sigui e guera contra Hamas, sin sosten di Merca, si ta necesario. E ta reacciona asina riba e decision di Merca pa por lo pronto no manda municion di atake pa Israel. Presidente Mericano Biden a bisa diahuebs cu Merca ta stop cu entrega di arma cu por wordo usa pa ataca Rafah. 

Di otro banda Biden a bisa cu lo sigui sostene Israel pa loke ta e proteccion di raket Iron Dome. “Nos no ta kita nos man di e seguridad di Israel, pero si di e posibilidad pa haci guera den e teritorio ey!”. Merca tin problema cu e ofensiva cu Isreal kier hiba den e teritorio Rafah.