Wind Creek Aruba ta presenta e di 6 edishon di Long Table Aruba- E mesa di mas largo na Aruba!

(ADVERTORIAL)

E di 6 edishon di Long Table Aruba, organisa pa Wind Creek Aruba, ta back pa un solo anochi, e unico mesa di cena di mas largo completamente blanco cu un balor di $50,000 pa Aruba.

E evento di e anja aki lo tuma lugar diadomingo, 9 di Juni y lo conta cu un setup di un mesa largo di 1000 pia cu lo wordo prepara pa 1000 invitado bisti na blanco riba L.G Smith’s Boulevard dilanti Renaissance Wind Creek Aruba Resort. Tickets di entrada lo ta $50, lo por reserva esaki online diabierna 10 di Mei, pa exactamente 10:00 or di mainta!

Segura bo ticket bishitando www.renarubaevents.com cuminsando for di 10:00 or di mainta diabierna, 10 di Mei. Por favor tene cuenta cu kada persona por cumpra un minimo di 2 ticket, cu un limite maximo di 10 ticket pa persona.

 Desde anja 2017, Long Table Aruba a recauda mas di $285,000 pa organisashonnan local y ta un evento sumamento importante pa Wind Creek na Aruba.

“Nos ta compronde e importancia di conecta cu e comunidad y nos ta desea di sostiene organisashonnan local na e manera cu lo realmente ta beneficia e comunidadnan di Aruba,” asina Sr. Paul Gielen, Gerente General di Wind Creek Aruba a declara. E anja aki Wind Creek Aruba a cambia e proseso y a selecta 10 organisashon den comunidad activo y a invita esaki nan pa partisipa. Kada un di e organisashon aki tin e tarea di crea un video impresionante, cu e oportunidad pa gana un sosten finansiero. E selecshon di e anja aki ta wordo enfatisa door di e yudansa na nos grandi y sosten pa nos hobennan cu ta enfrenta sircunstancianan desafiante. Cu e focus pa renoba e bienestar den nos comunidad, Wind Creek Aruba ta compromete su mes pa hasi un cambio y impacto den bida di esnan cu ta den nesesidad.

 Manera anja pasa, comunidad di Aruba lo determina cual di e 10 organisashonnan lo beneficia di e premio di e anja aki via un proseso di votashon online cu lo cuminsa dia 20 di Mei venidero.            

Mas informashon di esaki lo wordo divulga pronto. Hasi un impacto den comunidad ta un principio di operashon di di Wind Creek Aruba. Sr Gielen ta continua. “Nos ta sumamente orgulloso pa no solamente ofrese un experiencia exceptional pero alaves por conecta cu e pionerona pa por mira con y kiko mas lo por hasi pa por sostene nan metanan. Nos ta sinti nos mes honra pa por ofrese e pueblo di Aruba un anochi inolvidabel unda nos ta duna bek, y celebra hunto cu nos comunidad di Aruba.