Conseho Insular di Bonaire a aproba nombramento di Arubiano como griffier nobo

KRALENDIJK - Conseho Insular di Bonaire a aproba nombramento di Arubiano como griffier nobo. TA trata di e e persona di Jacqueline Harewood, cu te cu October 2023 tabata traha na Dimas encarga cu e proceso di e.o. asilo politico. Lamentablemente pa Harewood, su ultimo añanan na DIMAS no tabata nada agradable p’e, unda cu tras di otro, e la experencia loke hopi a considera como persecucion politico, cu intencion pa hal’e di e funcion y despues tabatin loke tabata mustra un campaña mediatico pa daña su reputacion. E la sa di surpasa tur esaki sinembargo, y na final e la dicidi di bay cu Vut aña pasa na October. Esaki ta bira asina otro persona cu experticio importante cu Aruba ta perde, debi na circumstancianan cu no mester tey awendia den nos comunidad.  

DIMAS

Pa loke ta su trayectoria na Dimas, e la traha di 1 di juli 2006 te cu 1 oktober 2023 como e.o. Beleidsmedewerker y desde aña 2019 tambe a fungi como e coordinador di e Seccion di Peticion pa Proteccion segun Tratado. 

BONAIRE

Conforme informacion di Bonaire, despues di un trayekto exitoso pa yena e posicion di griffier Insular, e comicion fiho di asuntunan di Trabou a propone Sra. Jacqueline Harewood como griffier insular nobo di Boneiru for di 1 di sèptèmber 2024. Esaki a keda sostene durante reunion di Conseho Insular di 7 di mei 2024. E comicion di asuntunan di trabou a conseha y a risibí sosten pa acorda prolongacion temporal di e griffier interino aktual te cu 31 di december 2024. Esaki, considerando e necesidad pa transferí traboo, i tambe pa duna sosten na diferente proyecto. Sra. Mathilde Koetsier a keda nombra como griffier suplente for di 7 di mei te cu 1 di october 2024, pa asina reforsa e team di griffier.