ATA cu competencia pa turistanan, pa scohe ‘E miho relaxer di mundo ‘

ORANJESTAD – Den cuadro di e spirito di e proximo olimpiada na Paris, Francia, oficina di turismo di Aruba (ATA) a organisa su propio ‘weganan di verano’ e asina yama ‘Relaxathon. Pa esaki nan a uni forza cu un e 5 biaha atleta olimpico Shaun White, cu lo fungi como anfitrion di e prome evento Caribense di e tipo aki. E intencion ta pa atrae participantenan (turista) di tur parti di mundo pa bin beach di Aruba, y aplica nan capacidad pa relax, y bira e miho relaxer di mundo’. 

BEACH

E cede lo ta e beachnan di Aruba riba 13 di juni proximo, unda cu pa un ora largo, durante e Relaxathon, participantenan por participa pa competi y gana un premionan estilo di medayanan di oro, plata y bronze. 

REGISTRAEntrante awe te dia 10 di mey, ATA ta invita biaheronan pa registra, y splica pakico nan mester relax. Un turista lo gana un bishita di 5 dia y 4 anochi,  durante cual nan por participa den e competencia. Fuera di e titulo, e top tes competitornan lo ricibi un pakete di sea oro, plata of bronze. Cada ganador lo gana nan respectivo premio, cu ta encera bishitanan (Vacacion) pa Aruba, conforme nan titulo y cada premio ta adapta conforme e titulo.