Atrobe miles di persona a bishita Open dag di Marinierskazerne na Savaneta

SAVANETA - Riba Diarason 1 di Mei a tuma lugá e Dia Habrí Anual na Kazèrne di Marina Savaneta. For di 10:00 or te 16:00 or Marina Real a  habri su portanan pa públiko ku un programa varia pa hóben i adulto.

E dia habrí a brinda un skala amplio di aktividat i demonstrashon, durante kua e bishitantenan por a haña un bista úniko di paden den e trabou di sosionan di Defensa i Siguridat.  Kuerpo di Marina, Mareshosé Real, Wardakosta Region Karibe, Ofisina di Gestionnan di Desaster Aruba i Kuerpo Polisial Aruba  tabata presente pa demostrá kiko nan tin den kas. 

Algun aspekto ku mas a destaká riba e dia tabata entre otro e impreshonante saltonan ku parashüt di ‘Defensie Paraschool’, e organisashonnan benéfiko ku a sostené  diferente akshon di bon kousa  i barètnan ku a keda repartí bou di e muchanan. E organisashonnan ku a risibí sosten ku e evenementu ta, ‘CasMarie Centro di Encuentro pa Persona cu Demencia’ i ‘Centro di Bario (CdB) Savaneta’.

Durante dia a tuma lugá demonstrashonnan riba tera i riba awa, kada un ku dos demonstrashon, durante kua a imitá diferente senario despues. Ademas di e demonstrashonnan tabata músika live, mientras ku e merkado i e kioskonan di kuminda a ofresé e bishitantenan kosnan dushi i souvenir pa bai kas ku n’e.

E éksito di e Dia habrí Kazèrne di Marina Savaneta ta danki na e esfuerso di tur esnan envolví i e partisipashon ku entusiasmo di e públiko. E evenementu no solamente a kontribuí na engrandesé e konsiensia tokante e trabounan di servisionan di Defensa i di Emergensia, pero tambe a brinda sosten balioso na dos akto di bon kousa. Te otro aña riba 1 di Mei 2025! NOTA: E texto ta scirbi den Papiamento fonetico di Corsou.