- Kock ta insisti: Acusacionnan contra Benny Sevinger ta inhusto
- Segun encuesta STEPS2023, 78% di poblacion di Aruba tin sobrepeso
- Arends: Investigacion na SABA ta den fase final
- Debi na renobacion, HOH tin cambio temporal den accesibilidad testnan di radiologia
- A puntra minister: Si a busca MPR pa investiga na Aruba, ta nifica cu ELMAR mes no ta capaz?
Segun rapport annual ATA 2023, Aruba a surpasa metanan clave stipula
ORANJESTAD - Conforme e ley di A.T.A., tur aña tin dos momento importante, e prome ta ora di entrega e Rapport Anual cu e resultadonan di e aña anterior y e di dos ta ora di haci entrega di e presupuesto pa e aña siguiente. Segun ATA, tur aña A.T.A. nan a sa di cumpli debidamente cu entrega di e Rapport Anual, incluyendo resumen di resultadonan y di trabao haci, como tambe e relato financiero cu su respectivo ‘goedkeurende verklaring.’
E entrega oficial a ser efectua den presencia di presidente di Hunta di Supervision di A.T.A., Francisco Quant, miembornan di e Hunta, conhuntamente cu CEO di Aruba Tourism Authority Ronella Croes, algun miembro di Management di A.T.A. y e representantenan di oficina di e firma di accounting encarga cu e auditoria independiente, den e caso aki Grand Thornton.
PROCEDURA PA CU ENTREGAMENTO DI RAPPORT ANUAL
E Rapport Anual di A.T.A. ta wordo manda prome pa parlamento di Aruba ‘ter inzage’ pa 10 dia di trabao. Despues di pone disponibel na parlamento, Minister di Turismo por duna su aprobacion formal pa cu e Rapport Anual di A.T.A., e edicion di 2023 pa ta exacto.
RESULTADO
Den 2023, Aruba por a surpasa metanan clave stipula pa cu ‘Tourism Receipts’, ‘Stay-Over arrivals’, ‘Revenue Per Available Room’ y ‘Cruise Tourism arrivals’. Aruba a sa di mustra resultadonan historico. Como un pais cu ta depende riba e industria di turismo como entrada primordial, esaki tabata un logro importante pa bienestar di nos hendenan. E entrada genera directamente di turismo esta e ‘Tourism Receipts’ cu ta deriva di entre otro di e tres otro componentenan menciona, ta proyecta di sera 2023 cu un crecemento historico di 34% compara cu 2019! E aña mas fuerte cu Aruba a conoce promer cu e pandemia. Por ilustra tambe cu a base di e resultadonan e ‘Average Daily Tourist Spending’ cu ta e averahe cu cada bishitante ‘Stay-Over’ ta gasta pa dia ta proyecta di sera aña cu un aumento di 26% compara cu 2019. E aspectonan aki ta importante mirando cu ta papia aki ta total di gasto y patronchi di locual bishitantenan ta gasta y laga atras.
E ‘Visitor Satisfaction’ cu A.T.A. ta midi y comparti mensualmente tambe a score entre 9 y 10 pa luna (10 ta e score maximo).
Na 2023, A.T.A. a conta cu un total di Afl. 121,3 miyon na entrada. Considerando e tarea principal esta esun di mercadeo, ta di menciona cu 90% di e Afl. 82,2 miyon cu a wordo presupuesta pa gasto na mercadeo a wordo utilisa. Den contexto di A.T.A. e gasto di mercadeo ta enfoca primordialmente den mercadona internacional, y un porcion di e Afl. 82,2 miyon ta wordo utilisa pa asina stimula e modelo turistico di ‘High Value-Low Impact’.
SOSTENIBILIDAD
Den 2023, e meta primordial di mercadeo y promocion di A.T.A. a keda basa riba e continuidad di e modelo di High Value-Low Impact cu ta enfoca riba calidad di e bishitante y no volumen. Turismo di Niche a hunga un papel crucial den nos enfoke pa facilita e desaroyo sostenibel na largo plaso di e destino.
Pa duna mas aporte na e compromiso, y segun meta y obhetivo strategico central di A.T.A., a establece un ‘Niche Framework’ den 2023 pa prioritisa mas aun e desaroyo sostenibel. Banda di esaki, A.T.A. a cumpli cu diferente estudio pa duna apoyo pa cu un tursimo sostenible. Esakinan ta inclui; ‘Credit Card Visa Study’, a inisia estudionan mara na e topico di ‘Carrying Capacity’ cu a inclui update e inventario di ‘Short Term Vacation Rentals’, ‘Events Roadmap’, ‘Luxury Cruise Line’, ‘Visitor Sentiment’. Riba nivel di desaroyo di producto no ta solamente participa den diferente commision y ta duna hopi conseho y yuda desaroya maneho, pero ta lidera y/of participa financieramente na proyectonan pa stimula e desaroyo conforme e modelo di ‘High Value-Low Impact’. Por pensa riba ‘Aruba Hospitality and Security Foundation’, ‘Aruba Excellence Foundation’, ‘Visitor Center San Nicolas’, campañanan di Ban Serio, desaroyonan na Ayo Rock Formation, Bari di reciclahe, restauracion di trapinan na Hooiberg, colocacion di ‘buoys’, introduccion di ‘Mountain Bike Trails’, upgrade integral di Seroe Colorado como tambe Mangel Halto, colaboracion estrecho cu ‘Aruba Conservation Foundation’ y hopi mas.
LATAM ta expande buelo pa Aruba
LIMA – E aeroliña LATAM a revela cu nan ta amplia nan presencia na Aruba cu e incorporacion cu un buelo mas semanal for di Luma. Esaki lo cuminsa entrante luna di juli proximo. Asina e portal Flapinternational ta informa dialuna. E frecuencia nobo lo bula tur dialuna, complementando e buelonan actual cu ta riba diahuebs, diasabra y diadomingo. E lo usa e ekipo A320 pa efectua e buelonan.
Surinam Airways usando Winair via Aruba y Corsou ta expanda buelo den Caribe
PARAMARIBO - Surinam Airways (SLM)a cera un acuerdo cu Winair cu ta permiti nan bula di Paramaribo pa mas destinacion den Caribe, via Aruba y Corsou. E acuerdo no ta un tipo di codesharing, pues Winair no por bula bou di e number di buelo di Surinam Airways. Winair ta efectua varios buelo pa islanan Caribense usando e flota di avion ATR y Twin otter. Ora cu pasaheronan di Surinam Airways biaha, nan por cumpra un pasashi di Winair eynan tambe pa un buelo cu ta contecta cu e aeroliña ey.
Ganadornan di encuesta di entrada & gastonan 2023-2024, periodo 6 ta conoci
ORANJESTAD - Dia 15 di November 2023, Oficina Central di Estadistica (CBS) a cuminsa cu e Encuesta di Entrada y Gastonan. Manera nos a menciona e encuesta di Entrada y Gastonan ta encera 2 parti:
ATIA y DIMP a tene session riba impuesto riba ganashi di compania
ORANJESTAD – E siman aki Aruba Trade & Industry Association (ATIA) hunto cu Departamento di Impuesto (DIMP) a organisa nan segundo sesion informativo y practico exclusivamente pa miembronan di ATIA. E biaha aki e topico tawata digitalizacion di Impuesto riba ganashi di compania (“winst belasting”[WB]). “DIMP a informa ATIA den un reunion na Januari cu lo bai digitalisa e proceso di declaracion di WB”, director di ATIA Sr. Herrick Henriquez a splica. Ora nos a wordo informa di esaki, mesora a tuma e iniciativa pa puntra pa organisa un sesion pa nos miembronan ora ta mas serca di e fecha di implementacion. Sesionnan asina ta importante pa no solamente facilita y informa nos miembresia, pero tambe pa segura cu nos miembronan cumpli cu tur rekisito pa entrega nan WB na tempo.
Camara di comercio cu deadline pa registro di ‘UBO’
ORANJESTAD – Camara di comercio dialuna a anuncia cu rtin cu deadline pa registro di e asina yama “Ultimate Beneficial Owner”, osea e ‘UBO’. A mustra cu e ultimo dia pa registra e UBO di un organisacion, compania, fundacion of asociacion ta 1 di juli 2024. Si no registra e UBO prome cu e fecha aki, e director of doño por haya un boet. Camara di Comercio y Industra Aruba (KvK) kier recorda tur comerciante, cu tin e obligacion pa registra UBO, pa haci esaki no mas tarda cu 1 di juli 2024.
Trahadonan di APA a drenta den accion awe mainta
ORANJESTAD – Trahadonan di Aruba Ports Authority cu ta cay bou di sindicato FTA, a bay den accion awe mainta. Esaki pa protesta cierto decision cu gerencia ta tumando. Segun e shopsteward Ryan Giel, Tin palabracionan haci durante negosacion cu e gerencia, pero cu awor ta wordo bira bek, creando desconfiansa entre sindicato y trahadonan. Tin varios problema segun e sindicato. Ademas e gerencia no tin un ‘open door policy’ y lo ta tarda pa reacciona riba cartanan di e sindicato.
Follow NoticiaCla
