Aruba lo no extradita personanan pa un pais cu tin pena di morto como castigo

ORANJESTAD – Aruba lo no extradita personanan pa paisnan unda cu un pena di morto ta colga riba nan cabez. E decreto cu ta referi na esaki, ta drenta na vigor entrante 1 di mei 2024, esta diaranson awor. E ta conta tambe pa paisnan Corsou, y St Maarten. 

ARTICULO CONCERNI

E articulonan vigente ta e.o. Articulo 1, cu ta menciona cu e ley di extradicion ta wordo ‘adapta’. Ta sigui un articulo nobo cu ta keda añadi, esta articulo 2C cu ta bisa cu ‘e pais cu ta pidi extradicion di e persona, ta colga un sentencia di pena di morto, e persona no ta wordo extradita, a lo menos cu segun pensamento di e gobernador, tin suficiente motibo pa confirma cu si dado caso e pena di morto wordo pidi y duna, cu e lo no keda ehecuta’a.  Esaki y mas cambionan ta publica den e ‘Publicatieblad’ A2024, number 33. Ta trata un total di 15 pagina cu ta ilustra e cambionan. Por lesa e decreto original AKI.