Cantante Yeison Jimenez ta confesa con e la droga na Aruba y hera daña su concierto aña pasa

BOGOTA – E conocido cantante Colombiano Yeison Jimenez a confesa cu droga a hera daña su presentacion di concierto aña pas ana Aruba. Den un entrevista cu e programa radial ‘Los 40 Colombia’, e la conta un anecdota di loke a sosode cu ne Aruba aña pasa. Por corda con na April di aña pasa riba un diasabra, e mester a bin Aruba pa duna concierto, pero a wordo debolbe bek riba e mesun avion debi na problema di permiso. Un dia despues, riba diadomingo 16 di April 2023 e la bolbe, pa cumpli cu e concierto. Ta durante e concierto aki, cu su episodio a tuma lugar.

DROGA  

No ta inusual cu artistanan ta usa droga durante of prome cu concierto, pero den e caso aki segun su mesun splicacion, droga a hera daña su presentacion. E la bisa prome cu e tabata hopi tempo limpi di sustancianan prohibi. Specificamente 15 aña, no obstante tur e tentacion cu tabatin rond di e ambiente cu e la crece aden. E tabata den droga como hoben. E la purba droga na chikito, pero nada grandi. E la purba dos droga pero nan no a ‘pega’. 

CONCIERTO

E ta splica cu e concierto tabata practicamente full bendi, cu 4.500 perosna cla pa wak e. Algo cu e ta considera grandi. Segun su version, un ‘negrito Colombiano’ a yega y a cende un cigaria banda di dje. E mes a bisa e homber, pa e huma e cigaria un biaha. E la dal dos supla, y tee y e ta corda. Nan mester a bistie su paña, pone na infus, y dune yogurt come. E mester a drumi ya cu e la bira hopi malo. Despues nan a hink’e den auto, y transporte pa e cede di e concierto. Menos mal e concierto a bay bon. E tabata hopi preocupa pa con e show lo a bay. Na comienso e no tabata hopi bei, pero na caminda e la logra toch. “Ora cu mi a subi stage, mi ta corda di tabata mira e publico y e publico tabata move maenra ola. Pa ora cu mi a canta e di cuater cancion, mi a bin bei, tur soda. Dios mio, e tabata hopi teribel. Mi a hura Dios cu nunca mas mi lo a toca e porkeria ey. Mi no ta compronde con e reguetoneronan ta haci’e” Jimenez a bisa, refiriendo na e cantantenan cu ta usa droga durante nan presentacion.