Minister di MEP ta exigi rectificacion contra dos periodista di 24ora.com

ORANJESTAD – Secretario general di partido MEP, Endy Croes, a confirma cu e la exigi rectificacion di e representantenan di e portal 24ora.com  Patrick Paskel y Speed Andrade. Loke ta hala atencion ta cu e comunicado ta manda como secretario general di MEP, pero ta pa exigi rectificacion pa su funcion di Minister. Segun Croes, berdaderamente,  a manda un carta di rectificacion pa nan, comokiera cu nan keda biba den pasado y cierto momento a exresa cu ‘Minister Endy Croes ta un convicto di husticia’. Segun Croes, e palabra convicto ta nifica cu un hende ta haya un sentencia (strafrechtelijk) y a bay cera of tin e sentencia y su casonan ta den proceso ainda, cual niun di esakinan ta e caso. Croes den su comunicado ta bisa di a splica claramente cu e no ta un convicto y nunca a yega mesa berde (strafrechtelijk) den e caso di Lotto. Si a bringa diferente caso civil entre otro, e rapport di Ernst de Jong cu a gana te den cassatie y ainda 14 aña despues tin un caso andando, paso e caso den cassatie a indica cu berdad e rapport di Ernst & Young ta completamente falso. Pues esey ta e ultimo caso cu ta andando. 

CASO AVP

Segun Croes, mientras cu e no ta convicto, miembronan di partido berde AVP, si ta convicto, manera Benny Sevinger y Paul Croes di cual e ultimo ta sintando un castigo ainda na KIA. 

CASTIGO SPEED

Segun Croes, Speed Andrade mes tambe ta un otro convicto di husticia, y ta referi na e sentencia unda cu Andrade a wordo haya culpabel y a hay 240 ora di trabao pa baña cacho na fundacion luna.   

DEADLINE

No ta conoci si tin un deadline pa e dos personanan en cuestion cu a haya orden pa rectifica, y tampoco si ta solamente riba 24ora.com e rectificacion mester ta.