Conocido presentadora di programa Sinterklaas Journaal mester laga amputa su nanishi

HILVERSUM – E conocido presentadora di television Hulandes, conoci mas pa e presentacion di e noticianan di Sinterklaas, Dieuwertje Blok (66) ta retira di su funcion. Esaki pasobra e mester haci un operacion cu ta cambia su apariencia. E mester laga amputa su nanishi pa evita cu cancer detecta, ta plama mas leu den su curpa. Asina e la informa den un entrevista na e corant Volkskrant.  Cu e entrevista, e ta purba prepara hende pa e ‘spanto grandi’ manera e mes ta yama e situacion. 

Blok pues ta conoci pa e programa ‘Het Sinterklaas journaal’ cu tabata hopi mira tambe den e region aki. Mientras cu tin posibilidad pa un protheses, esta nanishi falso, tin posibilidad kizas, pero e no ta kere. 

E canal mes ta tene e porta habri pa Blok sigui cu e programa Sinterklaas Journaal, cu e ta presenta desde 2001.