Gobierno Hulandes ta evaluando pa stop su paginanan riba Facebook

DEN HAAG – Tin chens cu gobierno di Hulanda por stop su actividad riba e red social Facebook. Esaki pasobra e compania madre di e compania, esta META, no ta dispuesto pa adapta cierto risico pa loke ta informacion personal di persona. Asina secretario di estado Hulandes Alexandra van Huffelen cu tin e cartera di digitalisacion tambe. Un conseho di ‘Autoriteit Persoonsgegevens’ a confirma den un conseho na e ministerio di Binnenlandse Zaken en Koninkrijkrelaties (BZK) di e risiconan en cuestion y a conseha pa no continua cu nan actividad riba Facebook. 

INVESTIGACION

Aña pasa e ministerio di BZK a investiga si tabatin risico pa ciudadanonan pa duna informacion personal via e paginan di gobierno riba Facebook. A resulta cu tin por lo menos 7 risico grandi. A base di esaki, gobierno Hulandes a consulta cu e compania madre di Facebook, META, pa adapta esaki. META no tabata dispuesto pa esaki. 

DEADLINE

Van Huffelen a duna META te cu zomer recess pa presenta claridad riba nan intencion. :”Sino nos ta obliga, confirme e conseho di AP, pa stop cu nos actividad riba e paginanan di Facebook”.