RIU hotel a perde caso contra mediado di gobierno

ORANJESTAD - RIU Palace hotel no por stroba sindicato FTA di tene un referendum diabierna awor. Huez den caso di LAR, a dicta contra e hotel awe merdia. Den e sentencia di 6 pagina, huez ta argumenta varios punto presenta durante e caso di dialuna, y a duna mediado di gobierno, tur e puntonan gana. Entre nan, e hecho cu mediado di gobierno no a tene cuenta cu e interes di e hotel, y cu no por tene referendum tampoco pasobra 'e hotel ta den reconstruccion'. Pero mas importante, e punto prinicipal cu no por tene referendum den seccionan di hotel, sino pa e hotel completo solamente, tambe a wordo rechasa pa huez. Na final, huez ta mustra cu evaluando tur e puntonan menciona, e ta rechasa e peticion di RIU, esta pa schors e referendum di mayan. Como tal e referendum por continua sin problema mayan. Abogado pa RIU tabata Ronny Wix y mr Pieterz, mientras cu bufete di abogado Faarup y Figaroa a asisti e sindicato FTA den e caso. Mas informacion na caminda. Lesa e veredicto aki.