AZV no ta divulga informacion di pashent!

ORANJESTAD - E organo ehecutivo medico AZV (Algemeen ZIekte Verzekering) no ta pasa datonan personal di asegurado na tercer partido. Por ta den cuadro cu e siman aki, un parlamentario di e fraccion berde a los informacion di un pashent, AZV a sinti ta miho pa clarifica cu informacionan di pashent no ta wordo comparti. Como tal, AZV a indica diabierna cu pa forma un opinion riba cualkier thema ta importante pa un persona ta bon informa. Segun e organo, e cifranan di AZV ta wordo publica na un manera transparante tur aña y e relatonan anual ta poni riba e website pa e personanan interesa tin acceso na dje.

Ora un persona ta puntra AZV pa informacion, por ehempel un studiante, reportero of politico, AZV ta haci su maximo esfuerso pa duna un contesta adecua. Datonan personal di aseguradonan nunca lo wordo parti cu un tercer persona. Si ta trata di gastonan pa cierto tratamento AZV ta duna un averahe.

Pa ilustra ki tipo di informacion AZV ta duna y pa informa publico en general tocante algun pregunta cu ta biba den pueblo tocante tratamento medico den exterior, AZV a añadi un paar di pregunta y contesta bou di e articulo aki.

Colombia:

Cuanto ta e costo minimo pa manda un cliente Colombia pa un caterisatie?

Pa hartcatherisatie ta costa alrededor Afl. 1400,- pa e ponemento di catherisatie so. Pero pa e tratamento completo tin cu tene cuenta cu alrededor di Afl. 5000,- Realistico ta cu tin cu tene cuenta cu complicación y cu e gastonan por yega un pro medio di Afl. 150.000

Cuanto ta e costo minimo pa manda un cliente Colombia pa un retina los?

Nos no ta manda clientenan Colombia pa retina los. Curacao: averahe di Afl. 13.500 (Vitrectomie bij retina)

Cuanto ta e costo minimo pa manda un cliente Colombia pa un operacion pa pone lens nobo? AZV no ta manda Colombia pa cornea transplantante. USA: un averahe di Afl. 37.000 pa topografie plus transplante.

Cuanto ta e costo minimo pa manda un cliente Colombia pa un operacion catarata?

Operación di cataract ta tuma luga aki na Aruba mes.

Cuanto ta e costo minimo pa manda un cliente Colombia pa un parto prematuro?

Averahe di afl. 150.000 pa mas o menos 1 luna y mey.

Cuanto ta e costo minimo pa manda un cliente Hulanda pa un transplante di Riñon?

Averahe di Afl. 170.000

Cuanto ta e costo minimo pa dialisa un cliente na Aruba mes pa dia?

No ta pa dia e ta per zitting.

Cuanto ta e costo minimo pa manda un cliente Colombia pa hasi kimo?

No ta manda persona pa quimo na Colombia. Por aki mes.

Cuanto ta e costo minimo pa manda un cliente Colombia pa reconstrucion despues di kimo?(pecho)

Esei no ta cay den e pakete di AZV.

Cuanto e estadio di cada cliente ta costa na Colombia? (hotel pa dia)

Esaki ta depende di luga y e tipo di estadia. E prijs ta varia entre $ 30 pa $ 75 pa dos persona (mas cu claro esaki ta banda di e gastonan medico cu AZV ta paga tambe)

Cu ken A.Z.V tin e contrato di huur Kamber na Colombia?

Nos no tin contracto di huur. E contracto ta wordo aregla pa hospital. Hospital ta responsabel. AZV ta difini e exigencianan incluyende e tarifa. Como no ta no tur biaha ta trata di un kamber di hotel e por ta un apartment, un cas, of “casa de campo”.

Cuanto A.Z.V ta pagando pa anja na huur di kamber na Colombia? (totaal)

Wak pregunta anterior tocante hotel, apartment y of cas pa dia. ***Tur gasto ta inclui transporte y estadia.