Baby di 15 luna na Italia a wordo mordi y mata pa dos pitbull

SALERNO – Dos pitbull a morde y mata n baby di 15 luna na Italia recientemente. E incidente a sosode den Salerno, un pueblo den sur di Italia. E mucha di e baby a keda herida durante e atake. E baby tabata den brasa di e tio, ora cu e cachonan a ranca e baby for di e brasa. E mama a purba rescata e baby, y a keda herida den e intento ey. E pitbulnan tabata di un famia cu ta biba den e mesun bario. Den un otro relato separa, dos luna pasa, un hoben di 15 aña, tambe na Italia, a wordo mata door di tres rottweilers. E cachonan a scapa di un cura den Manziana na Roma. E curpa a wordo haya door di un peaton den un parke. Den ambos caso, no tin informacion di kico precies a conduci na e atake di e cachonan aki. 

MAL FAMA

Cu e noticia, e rasa di cacho pitbull y rottweiler ta bolbe haya mal fama, mientras cu mayoria biaha e cachonan no tin e culpa necesariamente. Esaki debi cu ta e doñonan di e cachonan a haci un mal trabou cu e cachonan, cu ta pone cu e cachonan ta lanta den un forma negativo, y ta resulta den menasa pa Sociedad.