Gobierno Hulandes ta investigando su embahador na Colombia

DEN HAAG – Minister demisionario di relacionan exterior Bruins Slot (Buitenlandse Zaken) ta bay investiga si su embahador na Colombia Reina Buijs a surpasa su autoridad door di firma un documento sosteniendo e organisacion di Nacionan Uni UNRWA. E organisacion aki ta bou di presion internacional pa supuesto envolvimento di colabodornan di e organisacion den e atake di terror na Hamas aña pasa October. Merca y Hulanda a congela e sosten financiero na e organisacion aki te proximo aviso.

FAYO

Awor ta resulta cu un grupo di ex gobernante Hulandes ta protesta e accion aki di gobierno Hulandes pasobra segun nan, e organisacion menciona di Nacionan Uni ta e unico cu tin e infrastructura corecto pa suministra ayudo na esnan damnifica y afecta pa e atake menciona. Y un di e personanan cu tambe lo a firma e declaracion cu ta pidi gobierno Hulandes pa reanuda e sosten financiero. Segun e minister Hulandes, bou di cual e embahada ta cay, ta bisa cu e asunto aki ta un precedente fastioso cu ta mina e forza di nos diplomacia” e mandatario a bisa. 

ARUBAE embahador ta un ficha importante pa Aruba tambe ya cu hopi biaha e ta e persona cu ta intermedia den asuntonan cu ta regarda nos hendenan na Colombia ora cu tin cualkier problema, incluyendo esnan di salud y husticia.