Pa otro siman e rapport di CFT mester ta entrega na gobierno

ORANJESTAD – Pa mas tarda fin di luna, e rapport riba presupuesto 2015 di gobierno, for di College Financieel Toezicht (CFT) lo ta publico. Mientrastanto gobierno ainda no a ricibi e rapport. E mandatario responsabel pa finanzas, Angel Bermudez a confirma esey awe mainta pa NoticiaCla.com. Ta premira cu pa fin di siman aki e rapport lo mester ta cla pa CFT manda esaki pa gobierno, pa comienso di otro siman. Unabes cu esey sosode, e rapport lo bira publico tres siman despues. Y esey ta nifica pues cu pa fin di e luna aki, lo tin un bista riba kico e recomendacionnan ta di parti di CFT. 

Manera ta conoci, mayan ta bira 2 siman cu gobierno a entrega e presupuesto na CFT pa su conseho. Y segun CFT a confirma, unabez cu nan ricibi e presupuesto, nan tin 2 siman tempo pa entrega e conseho bek na gobierno. Tres siman despues di esey, e rapport e ora ta bira publico. Unabes cu gobierno ricibi e presupuesto, ta keda na gobierno si e ta acepta e recomendacionan. Tin e discusion ainda cu si e recomendacionan di CFT awor mester wordo ehecuta obligatoriamente, basa riba e protocol firma dia 2 di mei ultimo. Riba esaki, gobierno tin su interprtetacion y mustra cu no necesariamente ta 'obliga' pa tuma esaki literalmente.