Minister Glenbert Croes a sobrevivi un mocion di desconfiansa

Posted on 04/16/2024 8:29 pm AST | Updated on 04/16/2024 8:31 pm AST

ORANJESTAD – Cu 12 voto contra, y 8 pro y uno abstene, Parlamento a vota contra e mocion di desconfiansa contra e minister encarga cu inmigracion, Glenbert Croes. E mocion tabata entrega pa partido MAS y AVP Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.

E MOCION

Entre e problemanan cu tabata base pa e mocion, e minister, conforme e mocion, no ta transparante pa loke ta su proceso di responsabilidad. Ademas e maneho di entrada no ta eficiente, transparente y integro. Tambe e problema ta e forma con segun e mocion, e minister ta permiti trahadonan di afo drenta Aruba y integra den e mercado laboral den un forma no responsible y no transparente. Tambe e minister lo no ta duna oido na e consehonan di DPL, cu ta pone cu esnan cu a caba studia di SPO, EPB y EPI, ta wordo perhudica pa nan chens den e mercado laboral. E relacion entre e minister y e director di DIMAS, Kathy Paskel tambe ta aparece den e mocion. Y finalmente, cu mientras cu e gabinete actual ta tene integridad hopi halto den su gobernacion, pero cu e minister aki, esta Glenbert Croes ta violando tur e principio di bon gobernacion y e reglanan di integridad. Basa riba tur esaki y mas, e partido a entrega un mocion di desconfiansa contra e minister en cuestion.

OTRO PARLAMENTARIO

Otro parlamentario di oposicion tambe a mustra nan sosten pa cu e mocion aki, unda cu ta bisa tambe si cu e mocion aki ta bay mucho mas leu cu djis un mocion di desconfiansa contra un minister, sino un forma pa drecha loke ta robez den e gobernacion aki.

VOTAMENTO

Pa loke ta e votacion, 12 a vota contra cu ta MEP, RAIZ y parlamentario independiente Ryçond Santos do Nacimento. Esnan cu a vota pro pa e mocion tabata miembronan di AVP, MAS y parlamentario independiente Gerlien Croes. Esun cu a abstene di voto, ta partido ACCION21.

Gabinete AVP-Futuro: 100 Dia di liderazgo hunto, compromiso y progreso
ORANJESTAD – Dialuna gabinete AVP-FUTURO a presenta nan lista di logro pa loke ta e prome 100 dianan den gobierno. Esaki a tuma lugar den Fort Zoutman. Prome minister Mike Eman, a splica e.o cu Gabinete AVP-Futuro a forma a base di un coalicion fuerte y visionario: Premier mr. Mike Eman, Vicepremier mr. Gerlien Croes, Minister di Salubridad drs. Mervin Wyatt-Ras, Minister di Turismo mr. Wendrick Cicilia, Minister di Economia y Finansa mr. Geoffrey Wever, y Minister di Husticia mr. drs. Arthur Dowers tabata presente, hunto cu e 12 parlamentarionan di coalisicion.
Mas Politica
Lesa Mas
Gobierno ta anuncia aumento pa e.o. subsidio escolar
ORANJESTAD - Pa e aña escolar nobo, e subsidio escolar, contribucion di mayornan y apoyo financiero pa mayornan cu ta den bijstand lo conoce aumento. Asina gobierno a anuncia dialuna durante nan presentacion di e prome 100 dia di gobernacion. Pa loke ta e aumentonan, esaki ta yuda pa crea igualdad di oportunidad, derecho pa educacion y derecho pa un futuro cu miho perspectiva pa tur mucha, sin cu nan situacion socioeconomico ta obstaculisa nan. Mas informacion, gobierno no a presenta riba e tema.
Mas Politica
Lesa Mas
Eman: Rijkswet pa supervision financiero mester por haya contenido mas faborabel
ORANJESTAD - Prome Minister Mike Eman ta di opinion cu e Rijkswet pa supervision financiero, cu ta den discusion aworaki, por haña un contenido mas faborabel y cu den e cuadro ey, su pensamento ta alinea no solamente riba e Rijkswet, pero tambe riba un cantidad di otro cooperacion strategico. Segun e mandatario, por pensa riba e aspecto socio-economico, calidad di bida di nos pueblo, y necesidad di inversion serio den scol, bario, centro di cuidad, nos grandinan y hendenan cu menos recurso. Den e contexto amplio aki, e ta insisti cu mester trata e tema di Rijkswet den su totalidad den e siguiente reunion.
Mas Politica
Lesa Mas
Cicilia: Ta sostene e conexion europeo cu vuelo adicional pa winter cu KLM
ORANJESTAD - Ministerio di Turismo den colaboracion cu Aruba Airport Authority N.V. (AAA), Bonaire International Airport (BIA) y Aruba Tourism Authority (ATA) aanuncia e ampliacion di e schedule di vuelo di winter di KLM Royal Dutch Airlines. Como resultado di un cooperacion regional fuerte y planificacion strategico, KLM lo introduci dos vuelo semanal adicional entre Amsterdam-Aruba, operando via Boneiro for di 15 di december 2025 te cu 27 di maart 2026.
Mas Politica
Lesa Mas
Arends-Reyes: Kier mira cuenta anual y vision largo plazo di TPEF
ORANJESTAD – Parlamentario Arends-Reyes kier mira cuenta anual y vision largo plazo di e Tourism Product Enhancement Funds ( TPEF). "Nos a solicita pa presenta e cuental anual di TPEF y na minister di turismo pa comparti su vision." AVP a duna un enfoke critico y constructivo di con TPEF ta influencia y desaroya e producto turistico di Aruba. P'esey kier sa tocante e direccion y strategia pa futuro, pidiendo mayor claridad riba Minister Cicilia su vision y metanan pa mehora e turismo riba nos isla cu enfasis tambe ariba pariba di brug.
Mas Politica
Lesa Mas
Fraccion MEP: Parlamentario de Meza tin tres luna sin presenta na trabou
ORANJESTAD – Fraccion di Mep ta critica cu parlamentario pa partido AVP, Mike de Meza, tin tres luna sin presenta na trabou. Segun e fraccion, desde cu e gobierno nobo di AVP y FUTURO a huramenta, y Mike de Meza mester a keda afo, e no a presenta na ningun reunion di Parlamento mas.
Mas Politica
Lesa Mas