Maduro: Venezuela ta sigui cu of sin licensia Mericano pa alivia sancion petrolero

CARACAS – Presidente Venezolano Nicolas Maduro a sigura dialuna cu Venezuela ta sigui su marcha economico cu of sin licensia Mericano cu ta aproba un alivio di sanccion riba e petroleo Venezolano. Dialuna gobierno Mericano a dicidi cu no ta extende e validez di e alivio cu ta vence diahuebs awor. “Nos ta sigui, cu of sin licencia, nos no t aun colonia Mericano. Nada lo para nos, señores Mericano” e presidente a bisa. Segun Maduro, presidente Mericano Biden ta sigui chantagea cu menasa cu e ta bay kita e licensia cu e la permiti na Caracas pa comercialisa sin problema, e crudo den e ultimo 6 luna.