Mas di 2 mil habitante di Aruba, Corsou y St Maarten por vota den eleccion parlamentario Europeo

Mas di 2 mil habitante di Aruba, Corsou y St Maarten por vota den eleccion parlamentario Europeo

Posted on 04/16/2024 9:15 am AST | Updated on 04/16/2024 9:31 am AST

DEN HAAG/ORANJESTAD - Personanan ku nashonalidat hulandes na Aruba, Kòrsou i Sint Maarten ku dia 6 di yüni tin 18 aña òf mas por vota pa elekshon di Parlamento Oropeo di 2024. Pa hasi esaki e mester registrá su mes komo votadó na e munisipio di Den Haag, no mas tardá ku djaweps 25 di aprel 2024. Por registrá fásilmente ònlain. Riba e wèpsait www.stemmenvanuithetbuitenland.nl por haña mas informashon i e formulario di registrashon. 

Te ku awor 2.577 abitante di Aruba, Kòrsou i Sint Maarten a registrá pa e elekshonnan di Parlamento Oropeo. Rònt mundu tin mas ku 97.000 hulandes ku ta vota for di eksterior pa e elekshon den yüni. 

VOTA NA REPRESENTASHON DI HULANDA

Promé ku e elekshon, e votadó ta risibí e papelnan pa vota for di Representashon di Hulanda na Oranjestad, Willemstad òf Philipsburg. Na e ofisina di Representashon di Hulanda lo tin un büró di vota pa medio di karta. Ei tambe por vota mesora i ta konta e votonan. Fin di mei e votadó ta risibí un mensahe ku e por vota.Na Hulanda ta organisá e elekshon riba djaweps 6 di yüni. Riba e dia ei pa 3’or di atardi e voto mester ta den serka e Representashon di Hulanda. 

MAS INFORMASHON

E munisipio di Den Haag ta responsabel pa registrashon di votadó hulandes na Aruba, Kòrsou i Sint Maarten. E Tim Votadó pafó di Hulanda (Team Kiezers buiten Nederland) di e munisipio di Den Haag gustosamente ta sigui asistí e votadó. E tim ta alkansabel via meil: [email protected] òf via number di telefòn: +31 70 353 44 00 (di 8.30’or di mainta te 5’or di atardi ora hulandes). Por lesa mas informashon riba e wèpsait: https://www.denhaag.nl/nl/verkiezingen/kiezers-buiten-nederland/registreren-voor-inwoners-van-sint-maarten-aruba-of-curacao/  NOTA: Texto ta scirbi den Papiamento fonetico di Corsou. 

  • Varadero
  • Postobon
  • Powered by SETAR