ORANJESTAD - E presencia di Aruba na Seatrade Cruise Global 2024, ta semper un paso significante pa fortifica colaboracion den e industria crucero y promove iniciativanan turistico cu e isla tin pa ofrece.
]Seatrade Cruise Global ta sirbi como un plataforma prominente pa conecta cu socionan nobo y existente, comparti conocemento y crea sinergia den e industria. Durante di e evento, Aruba hunto cu representantenan di Bonaire y Curaçao, a mustra compromiso pa cu inovacion y cresemento sostenibel.
Aruba Tourism Authority (A.T.A.) y Aruba Ports Authority (APA) a lidera reunionnan y interaccionnan impactante cu socionan clave, incluyendo diferente liña di crucero, oficial di Gobierno, y expertonan den e industria. Entre e discusionnan notabel tabata reunionnan, den presencia di Minister D. Oduber y Diputado C. Abrahams, cu representantenan di Bonaire y Curaçao caminda a subraya riba esfuersonan colaborativo pa cu desaroyo regional.
A.T.A. a participa activamente den un variedad di tayer y sesion caminda cu a toca topiconan di desafio y oportunidadnan clave den e industria pa asina re-afirma dedicacion na tendencia actual y miho practica di e industria di crucero. A.T.A. hunto cu APA a toca discusionnan fructifero cu Florida-Caribbean Cruise Association (FCCA), fortificando ainda mas e posicion di Aruba como un destinacion prominente den mercado di crucero di Caribe.
E delegacion di Aruba na Seatrade Cruise Global a consisti di Patrick Melchiors, Monica Bos, Jorgino Willems di Aruba Tourism Authority, y Marc Figaroa, Mario Arends, Rosie Arends di Aruba Ports Authority, cu a demostra nan compromiso, entusiasmo, y dedicacion pa representa e interes di e isla y promove e ofertanan unico na socionan den e industria.
Durante henter e evento, e ‘booth’ di Aruba, den colaboracion cu Bonaire y Curaçao, a sirbi como un hub pa provee informacion, crea conexion, y promove atraccion y experiencianan unico di e islanan ABC.
Seatrade Cruise Global 2024 ta sirbi como un testimonio firme pa cu e compromiso di promove practicanan di turismo sostenibel, aumenta cresemento economico, y reforsa socionan den e industria crucero, mientras ta ilustra e beyesa y hospitalidad unico di e isla. Tur esaki den línea cu e model di “High Value, Low Impact”.
ORANJESTAD - Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 12 februari 2025:
VANCOUVER – Aruba ta riba e lista ‘cortico’ di destinacionan cu Canadesnan ta scohe pa biaha. Asina e portal Vancouver is awesome, ta raporta. Hunto cu Barbados, Turks and Caicos, Saint Lucia, y Curaçao, Aruba ta forma parti di e lista cortico di islanan cu no tin un riesgo di seguridad eleva pa biaheronan Canades, loke ta hasi nan destinacionnan ideal pa residentenan di Metro Vancouver cu ta busca un vacacion cu solo.
NASSAU – Aruba ta un di e finalistanan pa e premio como destinacion pa e premio ‘The Routes Americas 2025 Awards” cu ta keda entrega awe nochi na Bahamas. Aruba ta un di e 5 finalistanan pa e premio di destinacion. Tin hun lkusta di 15 aeropuert, 5 destinacion y 5 aerolina den e finalistanan pa e premio. Aruba a gana varios di e premionan aki caba den pasado y ta premira cu un biaha mas, Aruba por ta un ganador.
ORANJESTAD – Aruba ta aparece riba un lista di 10 pais den Caribe cu ta ‘mas economico’ aunke e lista mester wordo mira cu un wowo sceptico. Segun e lista, Jamaica ta keda un di e luganan di vacacion internashonal mas pagabel. Datonan nobo di e kompania di seguro cu sede na Merca InsureMyTrip ta revela cu e costo promedio di un biahe na 2025 a aumenta te na US$7,401, for di US$5,960 na 2024. Na contraste, un vacacion na Jamaica ta averahe US$4,145, sigurando su posishon komo e di nuebe destinashon mas amistoso pa presupuesto mundialmente.
ORANJESTAD - Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna y Presidente & CEO di AHATA, Tisa LaSorte, ta anuncia cu na 2024 e grado di ocupacion tabata mas abao cu e añanan prome cu pandemia, pero un tiki mas halto cu na 2023. Aunque e ocupacion tabata menos cu resultado historico, a logra hisa balor di kamber pa yega na un RevPAR mas halto cu e añanan exitoso di pasado.