Inicio programa di investigacion cientifico internacional di pasado di sclabitud

Inicio programa di investigacion cientifico internacional di pasado di sclabitud

Posted on 04/10/2024 3:14 pm AST | Updated on 04/10/2024 3:16 pm AST

ORANESTAD - E pasado di sklabitut kolonial di Hulanda i su impakto a forma diferente pais rònt mundu profundamente. Tòg e konosementu ku ta disponibel tokante e pasado di sklabitut kompartí akí ta skirbí partikularmente for di perspektiva kolonial. Pa enrikesé nos perspektiva, minister Dijkgraaf (Enseñansa, Kultura i Siensia) ta inisiá un koperashon global di sientífikonan riba e tópiko akí awe na Aruba. Esei el a anunsiá awe durante un mishon di konosementu den Karibe. 

Dijkgraaf: “Mas konosementu sientífiko di nos pasado kompartí ta di gran importansia. Den esei ta esensial ku tin espasio pa hasi investigashon for di perspektivanan nobo, na e lugánan kaminda sklabitut tabata eksistí. E konosementu ku esei produsí ta di gran balor pa komprondé nos historia kompartí mas mihó. Mi ta konsider’é hopi balioso pa por inisiá e programa di investigashon akí durante e Aña di Konmemorashon Pasado di Sklabitut.”

INICIO DEN E AREA CARIBENSE 

Dijkgraaf kier promové e kolaborashon di konosementu riba pasado di sklabitut entre universidatnan rònt mundu, kuminsando den nos propio Reino. Pa investigashon na Aruba, Kòrsou i Sint Maarten e ta destiná 375.000 euro te ku 2027. Ku esei sientífikonan lokal por hasi investigashon riba pasado di sklabitut den e paisnan akí. 

Lo tin posibilidat tambe pa hasi investigashon riba e tópiko akí na Hulanda Karibense (Boneiru, Saba i Sint Eustatius). Tin un presupuesto apart pa esaki. 

LIÑA KÒRÁ RÒNT MUNDU 

Hulanda tin laso profundo ku Sürnam, Indonesia i Suráfrika tambe, debí na e pasado di sklabitut kompartí. Hulandesnan a bende hopi persona sklabisá aya, òf a transportá nan via e paisnan akí.

E konteksto históriko i kontemporáneo ta diferensiá di un pais pa otro. Trese e diferente perspektivanan huntu ta di gran balor agregá pa mihó komprenshon di nos historia kompartí. P’esei Dijkgraaf kier duna huntu ku Sürnam, Indonesia i Suráfrika, e investigashon sientífiko riba pasado di sklabitut tambe un impulso den e paisnan ei. E idea pa esaki a surgi durante mishonnan di konosementu pa e paisnan akí, na unda Dijkgraaf a papia ku diferente sientífiko ku ta investigando e pasado di sklabitut. E plan ta pa duna e koperashon sientífiko forma di mes manera ku den e parti karibense di nos Reino. 

E promé kombersashonnan ku e paisnan akí ta positivo. Ta eksistí un gran sentimentu kompartí riba importansia di kolaborashon sientífiko. 

KOMPARTÍ KONOSEMENTU

Kompartí konosementu ta un punto di salida importante di e programa di investigashon global. Na e momentunan akí ta elaborando riba kon e lo bai ta. E promé ideanan ta pa krea un ret di investigashon, eksposishonnan ambulante, un buki òf un konferensia di apertura i klousura. Sientífikonan hulandes tambe lo haña un papel den esei. Mas lat e aña akí esaki lo haña mas forma.

MAS ESPACIO PA DIFERENTE PERSPECTIVA DEN ENSEÑANSA Y INVESTIGACION 

Sekretario di estado Van Huffelen a anunsiá aña pasá na e konmemorashon di Tula na Kòrsou ku gabinete ta establesé un kátedra pasado di sklabitut pa Aruba, Kòrsou i Sint Maarten. Awor Dijkgraaf ta duna kontenido na esei ku e koperashon sientífiko akí, den forma di un kátedra internashonal impakto di e pasado di sklabitut. Tambe gabinete ya a anunsiá e beka di Tula, ku ta karga nòmber di e lider di e rebelion grandi di esnan sklabisá na 1995 na Kòrsou. Pa medio di e beka akí, pa aña un studiante di Kòrsou ta haña oportunidat pa sigui un estudio bachelor di dosente di historia na Hulanda na un akademia di su eskoho. Di manera ku tin mas espasio pa diferente perspektiva den enseñansa i investigashon. NOTA: E texto ta scirbi den Papiamento fonetico di Corsou. 

  • Polis na Hulanda a detene muher pa morto di Hulandes na Corsou

    Polis na Hulanda a detene muher pa morto di Hulandes na Corsou

    ROTTERDAM – Polis na Rotterdam Hulanda a detene un dama di 26 aña riba sospecho di envolvimento di e morto di Mike Venema. E Hulandes di 53 aña tabata biba na Corsou y a disparse na 2018 di e isla. Su curpa a wordo haya casi un aña despues den su auto den fondo di laman Caribe. Nunca a bira cla kico a sosode dia di e morto. Polis ta kere cu Venema a bira victima di un crimen. Polis Hulandes y di Corsou ta investigando hunto riba su morto. Como parti di e investigacion ey, a detene e dama aki awe. No ta conoci si e persona ta procedente di Rotterdam, y mas polis no kier bisa. 

  • Dick Schoof durante conferencia di prensa: Mi kier ta premier di tur Hulandes

    Dick Schoof durante conferencia di prensa: Mi kier ta premier di tur Hulandes

    DEN HAAG - Dick Schoof kier bira premier di tur Hulandes. Asina e la bisa durante un conferencia di prensa diamars atardi, despues cu e la bira e prome minister previsto di e proximo gabinete. Schoof tin planea pa atende e preocupacion di Hulandesnan se rio. Y tambe e kier comunica cu e hendenan cu ken y pa ken e ta hacie.  Noticiacla den forma di primicia diamars mainta a raporta caba cu Schoof ta e candidato pa bira e premier di e gabinete nobo. Con Schoof kier logra su metanan, e no a bisa ainda. E ta considera e acuerdo di gobernacion como uno ambicioso. “Mi plannan pa Hulanda ta loke e lidernan di fraccion a palabra”, Schoof a finalisa bisando. 

  • Corte di Casacion a aplasa sentencia matrimonio mesun sexo cu 6 siman

    Corte di Casacion a aplasa sentencia matrimonio mesun sexo cu 6 siman

    DEN HAAG – Corte di Casacion, osea Hoge Raad, a hala e sentencia riba e caso di matrimonio mesun sexo cu 6 siman, te dia 12 di juli proximo. E motibo pa a aplasa e fecha, no ta conoci, pero ta confirma riba e portal di Corte di Casacion. “E sentencia di Hoge Raad, por lo pronto ta determina pa tuma lugar riba 12 di juli 2024” ta poni riba e portal. Inicialmente e fecha pa e sentencia tabata poni pa dia 31 di mei proximo, esta diabierna awor. Esey kier men cu mester warda 6 siman mas prome cu e sentencia ta conoci. No ta conoci si e cambio ta debi cu na Aruba Parlamento su tratamento di e ley ta poni pa mitar di juni awor. 

  • Topambtenaar Dick Schoof ta candidato nobo pa bira premier di Hulanda

    Topambtenaar Dick Schoof ta candidato nobo pa bira premier di Hulanda

    DEN HAAG - Dick Schoof ta e candidato pa bira premier di Hulanda. Asina fuentenan ta informa na e medio grandi di Hulanda NOS. Awe tardi 5’or Schoof y formador Richard van Zwol ta tene un conferencia di prensa pa anuncia esaki formalmente.  

  • Otro siman na Aruba Van Huffelen lo papia e.o. cu miembronan di e comunidad LGBTQ_+

    Otro siman na Aruba Van Huffelen lo papia e.o. cu miembronan di e comunidad LGBTQ_+

    DEN HAAG/ORANJESTAD –   Secretario di estado Alexandra van Huffelen di Relashonnan den Reino i Digitalisashon ta bishitá Aruba entrante 26 di mei, pero ta cuminsa su bishita dia 27 na Aruba.  Segun espektativa esaki ta pues su último bishita di trabou na e islanan (e ta bishita Bonaire y St Maarten tambe). E bishita ta den kuadro di e Konsulta di Gobernadornan na Aruba, seramentu di un akuerdo atministrativo na Boneiru i apertura ofishal di un proyekto di konstrukshon di bibienda sosial na Saba. Loke ta hala atencion ta cu riba agenda, ta un combersacion cu miembronan di e comunidad LGBTQ+ na Aruba. Y ta net e siman unda cu Corte di Casacion lo duna su veredicto den e caso di matrimonio di mesun sexo na Aruba y Corsou. 

  • Van Huffelen na Noticiacla: Gobierno Hulandes nobo por para e acuerdo nobo cu Aruba, pero no ta kere cu lo sosode

    Van Huffelen na Noticiacla: Gobierno Hulandes nobo por para e acuerdo nobo cu Aruba, pero no ta kere cu lo sosode

    DEN HAAG – Mientras cu Aruba y Hulanda (Gobierno actual) a yega na un acuerdo pa loke ta un Rijkswet pa loke ta nos situacion financiero, tin un gobierno nobo di Hulanda cu ta cla pa cuminsa traha. E pregunta di Noticiacla durante un encuentro cu e mandatario Hulandes diabierna mainta tabata, cu si tin chens cu e gobierno nobo y Tweede Kamer nobo por stroba e acuerdo aki y cancela tur cos. E mandatario Hulandes a bisa cu e posibilidad tey, pero e no ta kere cu esaki lo sosode. 

  • Powered by SETAR