Television Canades ta raporta bishita di Arubianonan nan prome wega di baseball grandes ligas

TORONTO – Un grupo di por lo menos 100 Arubiano recientemente a bishita Canada y experencia un wega di baseball grandes ligas di e ekipo di Toronto Blue Jays na cas, contra Seattle Mariners. Ta trata di (segun e raportahe di un canal di television Canades) 12 docente y mas di 80 studiante cu pa prome biaha ta experencia un wega di baseball di grandes ligas di Merca (na Canada). Entre nan tabatin e docente Anchelino Vrolijk cu tambe a keda entrevista pa e periodista, unda cu Vrolijk ta splica su emocion di por wak un wega asina pa prome biaha. Asina, e grupo di studiante ta haya cobertura internacional di nan bishita na e stadion na Canada e siman aki.