- Jeon ta kibra silencio riba impasse cu Kenley Jansen
- AHATA: Reconociendo companianan pa nan contribucion impactante na Aruba
- Wardacosta: A haya un ‘yola’ bandona na Dos Playa
- Fraccion di AVP na Ministerio Publico: Conduci bo funcion, rapido, transparente y husto
- Fundacion TUI Care ta lansa TUI Sea, e programa di cambio na Aruba
Fundacion Corector di Papiamento ta presenta anochi literario
ORANJESTAD – Despues di basta tempo Fundacion Corector di Papiamento (FCP), antes Grupo Corector di Papiamento, ta bolbe organisa un anochi literario dia 16 di april venidero. Lo dedica e anochi aki na e tres docentenan cu na aña 2001 pa 2002 a duna e curso di Corector di Papiamento, bou auspicio di Ministerio di Enseñansa y a traves di Departamento di Enseñansa. Nan ta Sr. Ramon Todd Dandaré, Sr. Mario Dijkhoff d.f.m. y Sr. Pedro Velasquez d.f.m.
Como un gradicimento y pa recorda nan lo duna un homenahe special na e personanan aki cu a haci asina hopi pa educa otronan riba e bon uzo di nos idioma Papiamento. Entre otro e grupo di Corector mes cu desde 2003 a organisa diferente actividad relaciona cu e bon uzo di nos idioma.
Durante e anochi literario aki lo tin declamacion di poesia di Sr. Sergio Velasquez, yiu di Pedro, un charla di Sr. Gregor Dijkhoff di Stichting Dijkhoff Papiamento Cursussen tocante trabou di su tata Mario, linguista y autor. Tambe lo tin un presentacion di Sr. Ramon Todd Dandaré, cu lo papia di e trabou cu nan a haci y lo declama poesia. Sra. Linda Richardson tambe lo haci presentacion di su buki di terminologia den casonan penal den 3 idioma y conta un tiki mas di su motivacion y su plannan pa futuro. Lo tin benta tambe di diferente buki di Mario. Entre otro e diccionario/woordenboek Nederlands-Papiaments / Papiaments-Nederlands, Proverbio y Dicho di Aruba, Expresion, Gramatica di Papiamento, Terminologia Gramatical, Sinonimo y Reduplicacion, Papiamento un pa un. A reedita casi tur buki di Mario. Gregor ta invita tur docente cu ta duna les di Papiamento na stranhero, paso lo duna informacion tocante e metodo ‘Papiamento un pa un’ y lo splica di con e metodo ta asina exitoso. Nos tin e metodo aki pa hende habla Hulandes, Ingles y Spaño.
FCP ta invita famia, conoci, ex-alumno y tur interesado pa un anochi literario interesante di dedicacion y recuerdo pa duna un homenahe special na tres persona cu a contribui asina hopi den enseñansa pa progreso di nos idioma Papiamento.
E invitacion pa e anochi literario aki di dedicacion y recuerdo lo ta pa diamars 16 di april 2024 na Biblioteca Nacional, cuminsando pa 6 or y mey di atardi cu benta di buki di Mario Dijkhoff y Linda Richardson, pa despues continua cu e programa cu lo termina pa 9 or di anochi.
Fundacion TUI Care ta lansa TUI Sea, e programa di cambio na Aruba
ORANJESTAD - Aruba ta un destinacion turistico popular cu playanan y refnan di coral bunita. E isla ta atraé mas cu un miyon bishitante anualmente. E salud di bida marino ta crucial pa e ecosistema y e economia. Lamentablemente, e rifnan di Aruba ta deteriorando, cual ta afecta biodiversidad marino y turismo. TUI Sea the Change Aruba tin como meta pa conserva e ecosistema fragil aki dor di restaura coralnan y educa tanto e comunidad di Aruba como turistanan tocante conservacion di oceano.
E fecha final pa paga impuesto di vehiculo di motor ta 30 di juni 2025
ORANJESTAD – Departamento di Impuesto ta participa na tur doño di vehiculo di motor cu dia 30 di juni proximo ta e ultimo dia pa paga e impuesto di vehiculo di motor di e di dos mita di aña 2025. Esaki ta conta naturalmente pa esnan cu a paga solamente e impuesto di e prome mita di aña.
Iberostar ta lansa “Aula di Lama”: Un espacio educativo dedica na sostenibilidad y ecosistemanan marino na Aruba
ORANJESTAD – Iberostar ta orguyoso di anuncia e lansamento oficial di “Aula di Lama”, un klas educativo Iberostar Wave of Change (IWoC) recien estableci situa na JOIA Aruba by Iberostar. Aula di Lama ta un espacio multifuncional, participativo crea pa comunidad local, incluyendo scolnan y NGO’s, pa studia y explora topiconan relaciona cu sostenibilidad cu enfoke particular riba Aruba su ecosistemanan marino y costero.
Analisis: E situacion nobo di Mike de Meza
E di tres morto di trafico, a yega Aruba aña pasa, en busca di miho trabou
ORANJESTAD – E victima di trafico cu a bira e di tres morto di trafico pa 2025, tabatin apenas un aña na Aruba. For di Venezuela, a bin informacion cu e victima Pedro Manuel Ochoa, a nace na Sta Marta, Colombia, y e la yega Aruba na principio di aña 2024, buscando un mihor oportunidad laboral. E la fayece dialuna mainta tempran durante un accidente di trafico y a bira asina e di tres morto di trafico.
DVG: Con Measles (sarampi) ta transmiti su mes
Follow NoticiaCla
