Nuboer: Total di 9 destinacion nobo pa InselAir Aruba pa 2015

ORANJESTAD – “InselAir ta ofrece e network di mas grandi di buelo for di Aruba”. Asina InselAir Aruba su CEO, Frederick Nuboer a confirma awe mainta durante nan conferencia di prensa. Inversionan grandi den desaroyo di mercado y ekipo, a pone cu nan a presenta tur e posibilidadnan nobo ofreci na pueblo. Un total di 9 destinacion nobo e aña aki so caba, y un sin fin di otro posibilidadnan ta haci InselAir Aruba e aerolinea cu tin e network pues mas grandi. Segun Nuboer, aeroliñanan internacional no ta inverti tanto hende directo manera InselAir Aruba ta haci, no ta cumpra pieza y lubricante localmente, y educa su staff y ekipo. "InselAir a cumpra 8 avion nobo den e ultimo dos añanan pa e suma di 40 miyon florin" Nuboer a sigura. 

Mes momento a confirma cu tabatin retonan serio algun tempo atras ora cu e compania na Corsou a haya su mes confronta cu e malesa Chicunguya, cu a paralisa gran parti di e operacion. Ademas, cobrando e pasahero venezolano na dollar enbes di bolivar, tabatin su retonan grandi. Tur dos 'problema y reto' a keda surpasa y awor por papia te hasta di un surplus di ekipo y personal, cu ta pone cu retrasonan di pasado, ta netamente esey. E ta keda semper un reto pa match e personal cu e ekipo, Nuboer ta sigui bisa. E parti di cobra den dollar, a causa un caida drastico di benta, pero ya algun siman despues, esaki a normalisa. Mas informacion aki rato.