PAR kier sa envolvimento di Corsou den investigacion CFT na Aruba

WILLEMSTAD – CFT no ta permiti pa haci investigacion na Aruba. Esaki ta pensamento di fraccion di partido PAR, den un carta dirigi na premier Ivar Asjes di Corsou. Den e carta, ta haci un cantidad di 10 pregunta (lesa e carta aki). E preguntanan ta mas bien dirigi den forma pa haya informacion, con henter e asunto a desaroya te cu awe CFT ta haciendo un investigacion na Aruba riba su presupuesto. Un di e preguntanan ta, cu e partido kier sa ki posicion gobierno di Corsou a tuma riba e asunto aki. For di e decision pa instrui gobernador di Aruba pa haci e investigacion, te na e hecho cu Aruba a wordo rechasa e chens pa ‘intern appel’. Tambe e partido, pa medio di su presidente sr Konket, kier sa si Corsou a duna su aprobacion pa CFT haci e trabou na Aruba.