Netflix ta estrena serie riba secuestro di avion cu a toca Aruba na 1973

ORANJESTAD – Netflix diaranson awor ta estrena un serie basa riba un caso real di secuestro di avion cu a toca Aruba tambe. TA trata di e serie The Hijacking of flight 601, cu ta basa riba e secuestro di avion HK 1274 riba 30 di mei 1973. E avion tabata pertenece na Sociedad Aeronautica de Medellin (of SAM), y a lanta buelo di Bogota, sigui pa Pereira y despues a keda secuestra y hiba pa Aruba pa dos secuestrador Latino.  E avion a yega Aruba unda cu eynan nan a presenta nan demandanan. E avion finalmente a lanta buelo y a termina otro caminda. E serie ta cuminsa diaranson awor 10 di april riba e plataforma di cine digital Netflix.