Hopi rond mundo a experencia e eclipse total di solo dialuna

Hopi rond mundo a experencia e eclipse total di solo dialuna

Posted on 04/8/2024 4:58 pm AST | Updated on 04/8/2024 4:59 pm AST

WASHINGTON – Mundo henter (esnan cu por a mira e fenomeno) a disfruta di e evento di naturalesa, e eclipse solar total dialuna atardi. Parti di Merca, Canada y Mexico (algun lugar na Europa tambe) por a experencia e evento aki den su totalidad unda cu dado momento a bira completamente scur. Varios Rubiano a opta pa drenta avion y biaha pa un destinacion unda cu por a mira esaki personalmente. Hopi lugar a organisa eventonan rond di e tema aki, ofreciendo fiestanan completo. Na Merca a papia te hasta di ‘Eclipsemania’. Potretnan rapidamente a cuminsa circula riba rednan social, y tambe rednan di prensa.  

  • Aruba tambe lo ta entre observadornan pa eleccion presidencial di Mexico

    Aruba tambe lo ta entre observadornan pa eleccion presidencial di Mexico

    ORANJESTAD – Pa medio di E Conferencia Permanente de Partidos Políticos de América Latina y el Caribe (COPPPAL), Aruba lo tin representantenan pa ‘observa’ e proximo eleccion presidencial di Mexico dia 2 di juni proximo. Fuera di presidente, e pais lo elegi mas di 20 mil carto politico, manera diputado, senador, gobernadora y alcalde y mas.  Fuera di Aruba, lo tin representante di Brasil, Chile, Argentina, Uruguay, Paraguay, Bolivia, Panamá, Honduras, Ecuador, Colombia, Bonaire, Venezuela, Perú, Puerto Rico, Surinam, El Salvador, Guatemala, Belice, y Jamaica. 

  • Premier Britanico ta anuncia eleccion pa aki dos luna na Reino Uni

    Premier Britanico ta anuncia eleccion pa aki dos luna na Reino Uni

    LONDEN – Premier Britanico Sunak a anuncia cu Reino Uni ta bay eleccion dia 4 di juli proximo. Esaki ta inusual y prome cu e termino programa. E motibo ta cu tin cosnan cu no ta bayendo bon y cu tin necesidad di un cambio. E premier a participa esaki caba na Rey Carlos Inglatera. 

  • Spaña, Irlanda y Noruega ta reconoce estado di Palestina fin di luna awor

    Spaña, Irlanda y Noruega ta reconoce estado di Palestina fin di luna awor

    MADRID -  Noruega, Spaña y Irlanda ta bay reconoce e estado Palestino oficialmente. Asina e premiernan di e dos paisnan a anuncia. E reconocemento lo tuma lugar dia 28 di mei proximo. Segun e premier Spaño, esaki no kier men cu Spaña ta contra hudiu. Y tampoco cu nos ta sostene Hamas. Esaki ta pa paz” e la bisa. Mes momento Israel a manda yama su embahadornan di e respectivo paisnan bek como protesta. 

  • Un morto y varios herido riba buelo di Singapore Airlines debi na turbulencia teribel

    Un morto y varios herido riba buelo di Singapore Airlines debi na turbulencia teribel

    SINGAPUR – Riba un buelo di Singapore Airlines di Londen pa Singapur, un pasahero a fayece y decenas a resulta herida den e avion cu a haya su mes confronta cu turbulencia pisa. Por lo menos 30 pasahero a resulta herida. E avion, un Boeing 777-300ER a haye ta haci un aterisahe di emergencia na Bangkok, unda cu e heridonan por a keda transporta pa hospital. Tabatin 211 pasahero abordo y 18 tripulante. Segun radar, e avion mester a baha 200 meter den algun seconde cu a resulta den e turbulencia teribel. Un di e motibonan tambe pa tanto herido ta cu hopi no tabatin nan faha di seguridad bisti. 

  • Impasse diplomatico entre Argentina y Spaña pa declaracion di presidente Argentino

    Impasse diplomatico entre Argentina y Spaña pa declaracion di presidente Argentino

    BUENOS AIRES -Spaña a yama su emhabador bek di Argentina pa tempo indefini. Esaki despues di un impasse diplomatico entre e dos paisnan aki. E presidente di Argentina Milei durante un encuentro na Madrid a yama e casa di e premier Sanchez pa corupto. E la haci e declaracion ey durante un discurso di partidonan derechista populista, organisa pa e partido VOX. Tabatin 11 mil persona presente, entre nan e premier Italiano Meloni. No ta conoci pakico Milei a haci e declaracion ey.

  • Presidente di Iran a fayece den crash di helicopter.

    Presidente di Iran a fayece den crash di helicopter.

    TEHERAN – Presidente di Iran a fayece e fin di siman aki ora cu su helicopter a crash.  Ebrahim Raisi (63) y e minister di Relacionan exterior Hossein Amirabdollahian ambos a fayece ora cu e helicopter den cual nan tabata, a cay den ceronan. Mal tempo tabata probablemente e causa. E pais a decretal 5 dia di luto. 

  • Powered by SETAR